INṬANNA 47:7 - Pathien Lekhabu Inthieng (BSI)

⁷ Chun, Josef chun a pa Jakob chu a ṭhuoi lût a, Pharao hmaa chun ân ngîrtir a: chuongchun, Jakob chun Pharao chu mal a sâwm tah a.

INṬANNA 47:7 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak mal- sâwmin um sien;

INṬANNA 35:27

Chun, Jakob chu Abraham le Isak khuolchâmna hmun Kiriath- arba (Hebron an ti bawk) Mamrea a pa Isak kuom chu a tlung tah a.

INṬANNA 47:10

Chun, Jakobin Pharao chu mal a sâwm nâwk a, Pharao kuoma inthawk chu a suok tah a.

INṬANNA 47:8

Chun, Pharaoin Jakob kuomah, “Kum iengzat am i ni tah a?” a tih a.

2 SAMUEL 14:22

Chun, Joab chu hmaia hnuoi sikin a bawkkhup a, chibai a bûk a, lal chun mal a sâwm a; chun, Joab chun, “Aw lalpa, ka pu chun a siehlaw hnina chu ân hlawtlingtir leiin vawisûn hin i siehlaw hin i mit ka tlung a nih ti ka lo hriet tah a,” a ta.

2 SAMUEL 19:39

Chun, mipui po pohai chu Jordan râl an kai a; chun, lal khawm chu a kai veh a; chun, lal chun Barzil- lai chu a fâwp a, mal a sâwm a; chun, ama hmun tieng a fe nâwk tah a.

2 SAMUEL 8:10

Hadadezer chu a thawh a, a hne leiin chibai bûk dingin le lâwmpui dingin Toi chun a naupa Joram chu David kuomah a tir a, Hadadezer chun Toi hi a lo do hlak hrim a na. Chun, Joram chun tang- karaw bêlhai dâm, rângkachak bêlhai dâm, dâr bêlhai dâm a hung chawi a;

1 LALHAI 1:47

Chun, lal siehlawhai chun, ‘I Pathienin i hming nêkin Solomon hming chu sukṭha sienla, i lalṭhung- pha nêkin Solomon a lalṭhungpha chu sukropui lem raw se,’ tiha ei lal David chu lâwmpui dingin an fe huoi huoi bawk a; chun, lal chu khum sikin a lo kûn pei bawk a.

1 LALHAI 8:66

A ni riet ni chun mipuihai chu ân ṭintir a; chun, lal chu mal an sâwm a, chuongchun, LALPAIN a siehlaw David le a mi Israelhai chunga a ṭhatna chuong zozai ân langtir lei chun lungril hlim le lâwmtakin an in tieng an fe tâwl tah a.

2 LALHAI 4:29

Chun, ama chun Gehazi kuoma chun, “I dier kei ṭha la, i kutah ka hmawl kha chawi la fe raw khai; mi tukhawm în tuokpui chun chibai bûk naw la, chun, tukhawma chibai an bûk che khawma bûk thung naw rawh; chun, ka hmawl hi naupang hmai chunga chun innghat rawh,” a ta.

FESUOKNA 12:32

In ti ta angin in bâwng ruolhai le in berâm ruolhai chu ṭhuoi unla, fe vak ro khai; chun, kei khawm mal mi sâwmpêk bawk unla,” a tih a.

MATTHAI 26:26

Chun, an fâk laiin Isûn bei a lâk a, mal a sâwmpêk a, a khawi a; chun, inchûktirhai kuomah a pêk a, “La unla, fa ro, hi hi ka taksa a nih,” a ta.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

JOSUA 14:13

Chuongchun, Josua chun ama chu mal a sâwm a; Jephunne naupa Kaleb chu a rochan dingin Hebron chu a pêk tah a.

JOSUA 22:6

Chuongchun, Josua chun anni chu mal a sâwm a, ân fetir tah a; chuongchun, an puon inhai tieng chun an fe tah a.

1 PETER 2:17

Mi po po chawimawi ro. Unau- hai chu hmangai ro, Pathien ṭidêk ro. Laltak chu chawimawi ro.

1 SAMUEL 2:20

Chun, Eli chun Elkana le a nu- hmei chu mal a sâwmpêk a, “LALPA ta dinga in thilinhlân in inhlân hi, hi nuhmei thla hin LALPA chun thung raw se cheu,” a ta. Chuongchun, in tieng an fe tah a.