INṬANNA 47:27 - Pathien Lekhabu Inthieng (BSI)

²⁷ Chuongchun, Israelhai chun Aigupta rama Gosen rama chun umhmun an khuor tah a; chutaka chun an insukmuk a, chi tamtak an thlah a, nasatakin an pung tah a.

INṬANNA 47:27 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, miin hnuoia pilvut hi an tiem sêng chun i thlahai khawm chu tiem sêng ni bawk an tih.

INṬANNA 17:6

Nasatakin chi inthlatir ka ti cheh a, nangmaa chun chi ti khawp hiel dâm siem ka ta, nangmaa inthawkin lalhai hung suok bawk an tih.

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

INṬANNA 28:14

i thlahai chu hnuoia pilvut zâtin la um an ta, thlangtieng dâm, sak- tieng dâm, hmârtieng dâm, simtieng dâm indar lien i ta, nangma le i thlahaia chun khawvêla hnam tin la thawveng an tih.

INṬANNA 34:10

Kan ramah keini lai um in ta, in nuomna hmun hmunah um bawk unla, hienglai hin um unla, sum- dâwng unla, insukmuk ro,” a tih a.

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

INṬANNA 47:11

Chun, Josef chun a pa le a unauhai chu umhmun ân khuortir a, Pharao thupêk angin, Aigupta rama ram ṭhatak laia Rameses rama chun ro dingin ram a pêk a.

INṬANNA 8:7

chun, vaâk pakhat ân vuong suoktir a; chu chu a suok a, hnuoia inthawka tui chu a kang zo hmakhat chu a vuong vêl a vuong vêl a.

INṬANNA 8:9

nisienlakhawm, vaṭhu chun fûkna ding hrim hrim a hmu nawh a, a kuomah lawngah a kîr nâwk tah a, tui chu hnuoi chung po poa chun a la um sih a; chuongchun, a kut a hang pur dawk a, a man a, lawng sûngah a kuomah a lâk lût nâwk tah a.

NEHEMIA 9:23

An thlahai chu vâna arasi zâtin i sukpung bawk a; an hluo dinga an pi le puhai kuoma i lo hril tah rama chun i ṭhuoi lût tah a.

INPÂKNA HLABU 105:24

A mihai chu nasatakin a sukpung a, Anni dotuhai nêkin a sukhrât ta lem a.

INPÂKNA HLABU 107:38

Anni chu mal a sâwm hlak a, nasataka sukpungin an um a, An ranhai chu a kiem a phal ngai nawh a,

FESUOKNA 1:12

Nisienlakhawm anni chu an sukrimsi po leh an pung zuol deu deuin, an indar lien deu deu lem tah a. Chun, Aigupta mihai chun Israel thlahai chu an ṭithâwng hle el tah a.

FESUOKNA 1:7

Nisienlakhawm, Israel thlahai chu an hung sûngruol a, tamtaka hung inbelsain an hung pung a, nasataka thilthawtheiin an hung um a; ram chu anni hluo sipin a um tah a.

ZEKARIA 10:8

An ta dingin faifûk ka ta, anni ko khâwm ka tih; anni chu kân tlan ta sih a; a lo pung ta ang bawk khan hung insukpung an tih.

THILTHAWHAI 7:17

“Chun, Pathienin Abraham kuoma thu a tiem kha a hung tlung hun chu a tlung dingin, mihai chu Aiguptaa chun an pung a, an tam ta deu deu a,

DÂN PAHNINA 10:22

In pi le puhai chu Aiguptaah sâwmsari an fe thlah a; tuhin chu tam tienga chun vâna arasi zâtin LALPA in Pathienin a sukpung ta cheu a nih.

DÂN PAHNINA 26:5

Chun, LALPA in Pathien hmaa chun, ‘Kan pu chu Suria mi, mi invai a na, Aigupta ramah a zu feh a, a zu um zing a, tlâwmte an na; chun, chu- taka chun hnam ropuitak, thilthaw- theitak, tamtak an hung ni tah a.