INṬANNA 46:2 - Pathien Lekhabu Inthieng (BSI)

² Chun, Pathienin zâna a mang- haia chun Israel chu a biek a, “Jakob, Jakob,” a tih a. Ama chun, “Hitaka hi ka um,” a tih a.

INṬANNA 46:2 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin LALPA thu chu Abram kuomah mang angin a hung tlung a.

INṬANNA 15:13

Chun, LALPA chun Abram kuomah, “I thlahai chu anni ram ni loah mikhuolin la um an ta, chutaka chun suokin um an tih ti chiengtakin hre raw khai; chun, kum za li sukrinum an ta;

INṬANNA 20:3

Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni sih a,” a ta.

INṬANNA 22:1

Chuong thil hnunga chun Pathienin Abraham chu a fieh a, a kuomah, “Abraham” a ta. Ama chun, “Hitaka hi ka um” a ta.

INṬANNA 22:11

Nisienlakhawm, LALPA vântir- koin vâna inthawkin ama chu a zuk ko a, “Abraham, Abraham,” a zuk tih a; ama chun, “Hitaka hi ka um,” a ta.

INṬANNA 31:11

Chun, ka manga chun Pathien vântirkoin, ‘Jakob,’ a mi hung tih a. Kei chun, ‘Hitaka hi ka um,’ ka tih a.

2 CHANCHIN SUINA 26:5

Pathiena thil hmulâwk hriet- thiemna nei Zekaria dam sûng po chun Pathien chu zawng dingin ân siem a; LALPA chu a zawng sûng po chu, Pathien chun ân hlawtlingtir bawk a.

JOB LEKHABU (THE BOOK OF JOB) 4:13

Îmu inhniktaka mi in re ṭhiep lai, Zâna thilhmulâwkna ka ngai tuo laiin,

DANIEL 2:19

Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

ZEKARIA 1:8

“Zâna hin thil ka hmuh a, mi pakhat sakawr sen chunga chuong hi ka hmuh a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei LALPA hi inlârnain inhriettir ka ta, mang tieng bieng ka tih.

NAMBAR 24:4

Pathien thu hai hrea, Iengkimthawthei inlârna hmuh a, Tlu bawkhupa mit hung var ta chun:

THILTHAWHAI 10:13

Chun, a kuomah rawlin, “Peter tho rawh; that la fa rawh,” a hung tih a.

THILTHAWHAI 10:3

Ama chun chawhnung inher hin, mang angin fietakin Pathien vântir- ko pakhat a kuoma lûta, “Korneli,” tiin a hmuh a.

THILTHAWHAI 16:9

Chun, zânah Paulain a mang angin Makedonia rama mi mi pakhat ngîrin, “Makedonia ramah hung kai la, mi ṭhangpui rawh,” tia ngên ngênin a hmuh a.

THILTHAWHAI 9:10

Chun, Damaskaa chun inchûk- tir pakhat a hming Anania a um a. Lalpa chun a mang angin a kuomah, “Anania,” a ta. Chun, ama chun, “Lalpa, en ta, hitaka hin ka um,” a ta.

THILTHAWHAI 9:4

Chun, hnuoiah a tluh a, a kuomah, “Saula, Saula, nangin iengdinga i mi suknawmna am a na?” tiin rawl a hriet a.

RORELTUHAI 7:2

Chun, LALPAIN Gideon kuom- ah, “I kuoma mipui umhai kha Midianhai an kuta ka pêkna ding chun an tam taluo a nih; chuong naw chun chu Israelhaiin, ‘Keini kut ngeia insansuok kan nih annâwm’ tiin mi uongkhum rawi an tih.

RORELTUHAI 7:9

Chu zâna chun LALPAIN a kuomah, “Tho la, kula chun zu fe raw khai, i kutah ka pêk ding che a nih:

1 SAMUEL 3:10

Chun, LALPA chu a hung a, a hung ngîr a, a hmaa a ko ang khan, “Samuel, Samuel,” tiin a ko nâwk a. Chuongchun, Samuel chun, “Thu hril rawh, I siehlaw hin a ngai zing,” a ta.

1 SAMUEL 3:4

LALPA chun Samuel chu a ko a, ama chun, “Hitaka hi ka um,” a ta.