INṬANNA 45:23 - Pathien Lekhabu Inthieng (BSI)

²³ Chun, an pa kuoma chun sabengtung sâwm Aigupta rama thil ṭha phur le, sabengtungpui sâwm, bu le bei le, lampuia a pa ta dinga mamaw danghai phur ân phur a.

INṬANNA 45:23 ပူးပေါင်းရင်းမြစ်များ

INṬANNA 24:10

Chun, siehlaw chun a pu sanghâwngsei laia mi sanghâwngsei sâwm a ṭhuoi a, a pu thil ṭha tinrêng chawiin a suok tah a: chuongchun, a tho a, Mesopotamia rama Nahor-hai khuoa chun a fe tah a.

INṬANNA 43:11

Chun, an pa Israel chun an kuomah, “Chuong ang a ni si chun hieng ang hin thaw ro, in bâwmhaia khan hi rama thil ṭha ṭhenkhat thinghnai damdawi, khuoizu, rimin- hnik, murra, theihâwngngar le almond thei dâm tlâwmte sengin ama ta ding chun lâwmman dingin chawi thla ro.

INṬANNA 45:22

An rênga kuomah silfên in- thlengna ding a pêk seng a; Benjamin kuoma lem chu tangka za thum le silfên inthlengna panga a pêk a.

INṬANNA 45:24

Chun, a unauhai chu a tir suok a, an fe tah a: chun, ama chun an kuomah, “Lampuia inhal lo dingin fimkhur ro,” a tih a.

FESUOKNA 16:3

Israel thlahai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan LALPA kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an tih a.