INṬANNA 43:23 - Pathien Lekhabu Inthieng (BSI)

²³ Ama chun, “Lungmuongtakin um unla, ṭi naw ro, in Pathien, in pa Pathien chun in iphaia chun ro a pêk cheu a ni chu: in tangka kha ka hmu sih a,” a tih a. Chun, Simeon chu an kuomah a hung ṭhuoi suokpêk tah a.

INṬANNA 43:23 ပူးပေါင်းရင်းမြစ်များ

INṬANNA 42:24

Chun, ama chu ân her hmang a, a ṭap tah a: chun, an kuomah a kîr nâwk a, anni a biek a, anni laia Simeon chu a tumin a ṭhuoi a; an mithmua chun a khuop tah a.

INṬANNA 42:28

Chuongchun, a unauhai kuoma chun, “Ka tangka kha an lo sie nâwk a ni hi tie, en ta u, ka ipa hi a lo um zing el,” a tih a: chun an lung a kak rak a, “Pathienin hieng anga a mi thaw hi iengtizie am a ni aw?” tiin, inthin pumin an inen tâwl a.

INṬANNA 42:36

Chun, an pa Jakob chun an kuomah, “Nangni hin ka nauhai in mîn sûntir a ni hi: Josef a um ta nawh a, Simeon a um ta nawh a, Benjamin chen khawm ṭhuoi hmang in tum nâwk pei a: chuong thil po po chun a mi baw buoi a ni ta hi,” a tih a.

INṬANNA 43:14

in sangpa pakhat le Benjamin hi ân suo pêkna ding cheuin, Pathien Iengkimthawthei chun ama chu inlunginsiettir raw se cheu. Ka nau- hai chu chân a ni leh ka chân ding ni el a tih,” a tih a.

INṬANNA 43:22

Chun, bu inchâwkna dingin tangka dang kan hung chawi a, kan tangka chu kan ipah tuin am a sie ti kan hriet si nawh,” an tih a.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung tah a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si cheh a,” a ta. Chun, David chun anni chu a lâwmlût tah a, sipai pâwl hotuhaiah a siem tâwl tah a.

1 CHANCHIN SUINA 12:19

Saula do dinga Philistin mi- hai le an hung lai khan, Manasse mi ṭhenkhat chu David tienga chun an pakai a; nisienlakhawm, anni chun an lo ṭhangpui nawh a; Philistin mi hotuhai chun, rem- ruotin ama chu an tir hmang a, “A hotupa Saula kuoma hin pakai a ta, ei lu inhmang rawi ei tih,” an ti sih a.

EZRA 4:17

Chuongchun, lal chun rorêltu Rehum le, lekhaziektu Simsai le Samaria um an ruol danghai kuoma le, vadung râla khawsa hlakhai kuoma chun dawnna chu ân phur tah a, “In- remna um raw se, chuong ang peiin.

LUKA 10:5

Chun, in in lûtna taphawtah a hmasatakin, ‘Hi ina hin thlamuongna tlung raw se,’ ti ro.

LUKA 24:36

Chun, chuong thu chu an hril laiin ama ngei chu anni lai a hung ngîr a, [an kuomah, “In chungah thlamuongna um raw se,” a ta.]

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 20:19

Chun, chu ni, ni saria ni hmasatakah, khuo a hung inhnu chun, Judahai ṭi leia inchûktirhai umna kawtkhârhai chu khâr a ni hnungin, Isu anni lai a hung ngîr a, an kuomah, “In chungah thla- muongna um raw se,” a ta.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

JOHAN 20:26

Chun, ni riet hnungah, a inchûktirhai chu in sûngah an um nâwk a, Thoma khawm an kuomah a um veh a. Chun, Isu a hung a, kawthai chu khâr a ni sih a, anni lai a hung ngîr tah a, an kuomah, “In chungah thlamuongna um raw se,” a ta.

RORELTUHAI 19:20

Chun, tarpa chun, “Thlamuong- takin um raw khai, i mamaw po po chu keiin tum vawng ka tih, khawlaia chun chu riek lul naw rawh,” a tih a.

RORELTUHAI 6:23

LALPA ruok chun a kuomah, “Thlamuongtakin um la, ṭi naw rawh, thi naw ti nih,” a tih a.

1 SAMUEL 25:6

chun, mi neinungtakpa kuoma chun hieng ang hin hril ro, ‘I chunga dâm, i sûngkuohai chunga dâm, i nei po po chunga dâm, lungmuongna um raw se.