INṬANNA 42:22 - Pathien Lekhabu Inthieng (BSI)

²² Chun, Reuben chun, “Naupang chungah thil suksuol naw ro ka ti naw cheu am a nih? in ngai nawh a, chuleiin, ngai ta u, a thisen phuba chu an lâk a ni hi,” tiin anni chu a dawn a.

INṬANNA 42:22 ပူးပေါင်းရင်းမြစ်များ

INṬANNA 4:10

LALPA chun, “Iengam i thaw leh? I sang thisen râwl chun hnuoia inthawkin a mi ko a nih.

INṬANNA 42:23

An kâra ṭawng inlettu a um leiin Josef chun an thu hril chu a hriet ti an hriet nawh a.

INṬANNA 45:3

Chun, Josef chun a unauhai kuom- ah, “Josef kha ka nih, ka pa chu a la dam maw?” a tih a. Nisienlakhawm, a unauhai chun an dawn thei nawh a, a hmaa chun lungzîngtaka an um leiin.

INṬANNA 50:15

Josef unauhai chun an pa thi chu an ngaituoin, “Josef hin mi theidâng a ta, a chunga thil ei suksuol po po phuba kha ei chunga hin la hung la kim nek el a ti aw,” an tih a.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet loa a thawh a, kâwlhnâma a that leiin LALPAIN a thisen chu ama lu chung ngeiah hung inlêttir a tih.

1 LALHAI 2:33

Chuongchun, an thisen chu Joab lu chung le a thlahai lu chungah kumkhuoin lêt a ta, David chunga dâm, a thlahai chunga dâm, a sûng- hai chunga dâm, a lalṭhungpha chunga dâm ruok chun LALPA kuoma inthawka lungmuongna kum- khuoin um zing lem a tih,” a ta.

2 CHANCHIN SUINA 24:22

Chuongchun, lal Joas chun ama chunga a pa Jehoiada ngilneizie kha a hriet zing ta nawh a, a naupa chu a that tah a. Chun, a thi chun, “LALPAIN hung en sienla, phuba la raw se,” a ta.

INPÂKNA HLABU 9:12

Thisen insuo suosal hlaktu chun anni chu a hriet zing hlak sih a, Mi rimsihai khêkri a theinghil ngai nawh.

EZEKIEL 3:18

Mi rilo kuomah thu ka hril a, ‘Nang chu matheiloin i thi ngei ding a nih,’ ka tih a, ama chu vaulâwkna khawm i lo pêk nawh a, a hringna chu sanhimna dinga mi rilo chu a lampui riloa inthawk hung kîr dinga vau- lâwkna i lo hril si naw chun; chu mi rilo chu ama suol ngeia chun thîng a tih, amiruokchu, a thisen maw chu nangmaa chun ka hung phût ding a nih.

LUKA 23:41

Eini chu ei tuor âwm tak hrim tuor ei nih, ei thilthaw ra indiktak hmu ei ni chau lem a; ama ruok hin chu iengkhawm a suksuol si nawh,” a ta.

THILTHAWHAI 28:4

Chun, chu ram mihai chun thilhring a kuta inkhai zing chu an hmu chun, “Hi mipa hi tuolthattu a ni phawt el, tuisuorieta inthawkin tlân suok sienla khawm, Phuba latu chun a dam a awi ta naw a ni hi,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:15

an lungrilah dân sinthaw chu ziek a nih ti an inentir a; chu chu an sie le ṭha hrietnain an hrietpui a, an lungrilhai chu ân sêl a, akâr leh thiem ân changtir vak a, akâr leh thiemnaw ân changtir vak a.

THUPUONGSUO 13:10

Tûkhawm sala um ding ani chun salah a um hlak, tûkhawmin kâwlhnâma mi a that chun kâwl- hnâma that ding a nih. Hitaka hin mi inthienghai selna le ringna inlang theina a um.

THUPUONGSUO 16:9

Chuongchun, mihai chu lumtaka em ûtin an um a, chuong hremna chunga thuneitu Pathien hming chu an hrilsiet a, ama chawimawi dingin an sim chuong nawh.

1 SAMUEL 19:4

Chun, Jonathan chun a pa Saula hmaa chun David chu ân pâk a, a kuomah, “Lal chun a siehlaw chung- ah, David chunga hin thil suol thaw lul naw raw se, i chungah iengkhawm a suksuol si nawh a, a thilthawhai chu i ta dinga ṭhatak a ni sih a;