INṬANNA 41:8 - Pathien Lekhabu Inthieng (BSI)

⁸ Chun, zîngtieng chun a lungin- zîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um nawh a.

INṬANNA 41:8 ပူးပေါင်းရင်းမြစ်များ

INṬANNA 40:6

A zînga zîngkâr chun Josef chu an kuomah a va lût a, anni chu lungngai hmêl deuin a va hmuh a.

INṬANNA 40:8

Anni chun a kuomah, “Mang kan nei a, a mi hrilfie thei tukhawm an um si nawha a nih,” an tih a. Josef chun an kuomah, “Mang hrilfienahai chu Pathien ta a ni naw am a nih? Lunginsiettakin mi hang hril ta u,” a tih a.

INṬANNA 41:15

Chun, Pharao chun Josef kuomah, “Mang ka nei a, a hrilfie thei tukhawm an um nawh a, nangin mang hi a thu i hriet chun i hrilfie thei ti i chanchin mi hril ka lo hriet a,” a tih a.

INṬANNA 41:24

chun, vui chite tehai chun vui sari ṭhatak takhai chu an lem zo el tah a. Chun, mitvaidawithiemhai chu ka hril a, nisienlakhawm, a mi hrilfie thei tukhawm an um si nawh a,” tiin a hril a.

INṬANNA 41:7

Chun, vui chitê têhai chun vui sari lientak tak, ṭhatak takhai chu an lem zo el tah a. Chun, Pharao chu a ṭhang a, a mang a lo ni zing el ti a hriet a.

INPÂKNA HLABU 25:14

LALPA thurûk chu ama ṭituhai kuomah a um a, A thuthlung chu anni inhriettir a tih.

FESUOKNA 7:11

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve tah a.

FESUOKNA 7:22

Chun, Aiguptaa aisânthiemhai khawm chun dawi hmangin chuong ang tak chun an thaw veh a. Pharao lungril chu sukngarin a um zing a, LALPAIN a hril ta ang khan an thu chu a ngai nawh a.

FESUOKNA 8:7

Chun, aisânthiemhai khawm chun an dawi hmangin chuong ang tak chun an thawh a, Aigupta ram chunga chun uṭawkhai chu an hung suok veh a.

FESUOKNA 9:11

Chun, khuoihlihai lei chun aisânthiemhai chu Mosie hmaa chun an ngîr thei ta nawh a; chu khuoihli chu Aigupta mihai po po le aisân- thiemhai chunga khawm a um seng sih a.

ISAI 19:3

Chuongchun, Aigupta mihai thlarau chu an sûnga chun ieng- khawm ni loa siemin um a ta; an remruot chu suksieng ka tih: chuong- chun, milimhai le, aikeithiemhai le, khawhri aisânthiem zâwlhai le, dawi- thiemhai chu râwn an tih.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuong- chun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

DANIEL 1:20

Chun, varna le hrietthiemna kawng tinrêngah, lalin a indawn ta hrim hrima chun, a ram sûnga aisân- thiemhai le mitvaidawi thiemhai po po nêka le sâwma var lemin anni chu a hriet a.

DANIEL 4:18

Hi mang hi kei Nebukadnezzar hin ka hmu tah a, Aw Beltesazzar, a umzie chu hrilfie rawh, ka ram sûnga mi varhai chun a umzie chu an mîn hriettir thei si nawh a: nisienla- khawm, nang chun i thei a nih; pathien inthienghai thlarau chu nangmaa chun a um sih a,” ka tih a.

DANIEL 4:19

Chun, Daniel a hming dang Beltesazzar chun chawmkhat tak chu mak a ti hleh a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih suk- buoi naw raw se che.” a ta. Beltesaz- zar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 4:5

Mang mi sukṭi êm êm el chu ka hmuh a, ka khum chunga ka ngai- tuonahai le, ka lua ka thil hmu- lâwknahai chun a mi suklungzîng êm êm a.

DANIEL 4:6

Chuleichun, mang umzie chu an mi hrilfie theina dingin Babulon rama mi var po pohai hung ṭhuoi khâwm dingin thupêk ka siem tah a.

DANIEL 4:7

Chun, mitvaidawithiemhai, ai- sânthiemhai, Kaldai mihai le vâng- hriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei nawh a.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

DANIEL 8:27

Chun, kei Daniel chu ka châu a, ni iengzât amani chu ka damnawh a; chun, ka tho a, lal sin chu ka thaw tah a: nisienlakhawm, thilhmulâwka chun mak ka ti êm êm a, tukhawma an hriet thiem si nawh a.

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi LALPA in Pathien chu ka nih.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipui- hai laia inthawk chu sukbohmang ka tih.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

MATTHAI 2:1

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 7:22

“Chun, Mosie chu Aigupta mihai varna po po an inchûktir a, a thu le a thilthawah a ropui bêk bêk a.

1 KORINTH 1:19

“Mi var varna chu sukbohmang ka ta, Remhre remhrietna chu peithlâng ka tih,” ti ziek a ni sih a.

1 SAMUEL 6:2

Chun, Philistin mihai chun, “LALPA bâwm hi iengtin am thâwng ei ta? A umna pângngaia infetir nâwkna dân ding mi hril ta u khai,” tiin thiempuhai le aisânthiemhai an ko a.