INṬANNA 41:57 - Pathien Lekhabu Inthieng (BSI)

⁵⁷ Chun, hnuoi chung po poa ṭâm chu a tlâk nasat hle leiin ram tina mihai chu bu inchaw dingin Aiguptaa Josef kuoma chun an hung a.

INṬANNA 41:57 ပူးပေါင်းရင်းမြစ်များ

INṬANNA 12:10

Chun, chu rama chun ṭâm a hung tlah a; chu rama chun ṭâm chu a nasa êm leiin Abram chu Aiguptaa um hri dingin a zu fe tah a.

INṬANNA 41:54

Chun, ṭâm kum, kum sari chu Josef hril ang takin a hung tlung phut ve tah a: ram tinah ṭâm a hung tla tah a, Aigupta ram sûng poa ruok chun fâk ding a um a.

INṬANNA 41:56

Ṭâm chu ram po poa a hung tla phing chun Josef chun an sung khâwmna in po po chu a hawng a, Aigupta mihai kuoma chun a zawr a: Aigupta rama chun ṭâm chu a tla nasa hleh a.

INṬANNA 42:1

Jakobin Aigupta ramah bu a um ti a lo hriet a, a naupa- salhai kuomah, “Iengdinga in inen mei mei am a na?” a tih a.

INṬANNA 42:5

Chuongchun, Israel naupasalhai chu mi fehai lai chun bu inchaw dingin an fe ve tah a, Kanaan rama khawm ṭâm a tla ve sih a.

INṬANNA 42:6

Chun, Josef chu Aigupta ram chunga chun hotu a nih a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 43:1

Chun, chu rama chun ṭâm chu a tla nasa hleh a.

INṬANNA 47:14

Josef chun an bu inchâwkna manah Aigupta ram le Kanaan rama tangka um po po chu ân khâwm pêk zo vawng tah a; chun, Josef chun chu tangka chu Pharao inah a hung chawi a.

INṬANNA 50:20

Nangni chun ka chungah thil suol thaw in lungril a; nisienla- khawm, Pathien chun, vawisûna an um ang ngei hin, mi tamtak dama sanhimna dingin thil ṭhaha in- changtir a lo lungril lem a ni sih a.

DÂN PAHNINA 9:28

chuong naw chun, i mi ṭhuoi suokna rama mihai chun, LALPAIN a ram tiema chun a ṭhuoi thei naw leiin, thlalêra that dingin a ṭhuoi suok a nih, ti rawi an tih.