INṬANNA 41:54 - Pathien Lekhabu Inthieng (BSI)

⁵⁴ Chun, ṭâm kum, kum sari chu Josef hril ang takin a hung tlung phut ve tah a: ram tinah ṭâm a hung tla tah a, Aigupta ram sûng poa ruok chun fâk ding a um a.

INṬANNA 41:54 ပူးပေါင်းရင်းမြစ်များ

INṬANNA 41:27

An hnunga bâwngpui pasari bertak tak, chêrtak tak hung suokhai chu kum sari an nih; bu vui sari a si ruok khawsak thli imût ṭâwl bir berhai khawm chu: chuong chu ṭâm kum, kum sari ding a nih.

INṬANNA 41:30

chu hnunga chun ṭâm kum, kum sari hung um nâwk a tih, chuongchun, hausakna po po kha Aigupta rama hin theinghil vawng ni tâng a tih; ṭâm chun ram hi fa se zo a tih:

INṬANNA 41:53

Kum ṭhat kum, kum sari, Aigupta rama hung tlung chu a hung bo tah a.

INṬANNA 42:2

Ama bawk chun, “Ngai ta u, Aigupta ramah bu a um ti ka lo hriet tah: thi loa ei hring suok theina dingin chutaka chun zu fe unla, chutaka inthawk chun zûn chaw ro khai,” a tih a.

INṬANNA 43:1

Chun, chu rama chun ṭâm chu a tla nasa hleh a.

INṬANNA 45:11

chutaka chun keiin châwm ka ti cheh a, ṭâm ding kum nga a la um sih a; chuong naw chun nang le i sûnghai le, i nei po po rimsi rawi in tih,’ ti ro.

INṬANNA 47:13

Chun, chu ram po poa chun fâk ding hrim a um ta nawh a, ṭâm a tla nasa hle sih a; chuongchun, ṭâm lei chun Aigupta le Kanaan ram chu a chau tah a.

2 LALHAI 8:1

Chun, Elisa chun a naupa a sukdampêk nuhmei kuoma chun, “Tho la, nang le i sûnghai leh, in um theina hmun hmunah va um hri ro; LALPAIN ṭâm ân tlâktir ding a nih; hi rama hin kum sari sûng zet a tla nghe nghe ding a nih,” tiin a lo hril tah a.

INPÂKNA HLABU 105:16

Chu rama tla dingin ṭâm a ko a, Fâk ding hrim hrim ân um nawtir tah a.

THILTHAWHAI 7:11

“Chun, Aigupta le Kanaan ram po poa chun ṭâm a hung tlah a, rinum nasatak a hung tlung tah a; ei thlatuhai chun fâk ding hrim hrim an hmu ta nawh a.