INṬANNA 41:42 - Pathien Lekhabu Inthieng (BSI)

⁴² Chun, Pharaoin a kuta inthawkin a hming namna kutsebi chu a phawi a, Josef kutah ân buntir a, puon zai inhmia siem silfênhai ân hâktir bawk a, a rîngah rângkachak khaidiet ân hlîtir a;

INṬANNA 41:42 ပူးပေါင်းရင်းမြစ်များ

INṬANNA 38:18

Ama chun, “Hrên ding ieng am pêng ka ti cheh a?” a tih a. Amanu chun, “I hming namna le i hrui, i hmawl chawi le khan,” a tih a. Chuongchun, a pêk a, a zâlpui tah a; chun, amaa inthawk chun nau a vawn tah a.

INṬANNA 41:43

Chun, a tawlailîr nei pahninaa chun ân chuongtir a, a hmaa chun, “Dingṭhaṭhuon ro,” tiin an khêk pei a; chuongchun, Aigupta ram po po chunga chun hotuah a siem tah a.

ESTHER 10:3

A chipuihai laia chun thlamuong- na thu hrilin, a mihai ta ding thil ṭha zawngin, a unau mi tamtakhai ilâwm le Juda mihai laia ropuitak le lal Ahasuer dawttu, Juda mi Mordekai chu a ni sih a.

ESTHER 3:10

Chun, lal chun a kuta kutsebi chu a lâk a, Judahai hmêlma, Agag mi Hammedatha naupa Haman kuoma chun a pêk tah a.

ESTHER 3:12

Chun, thla khatna, ni sâwmpa- thum ni chun lal lekhaziektuhai chu ko an ni tah a, chi tinhai lalhai kuoma le, rambung tina rorêltuhai kuoma le, lal ram awptuhai kuoma chun Hamanin thu a pêk ang taphawt chun lekha chu ziek a ni tah a, rambung tinah chutaka inziek ang tak le, chi tin kuomah an ṭawng ang ngeiin; lal Ahasuer hminga ziek a na, lal kutsebi ngeia namdet a ni bawk a.

ESTHER 8:10

Chun, ama chun lal Ahasuer hmingin a ziek a, lal kutsebi chun a nam a, lal sinthawnaa hmang hlak sakawr hrât mi sakawr sâwizawi chunga chuongin, sakawr chungah lekhathawnhai chu dâkah a thawn tah a;

ESTHER 8:15

Chun, Mordekai chu lal puon dumpâwl zai inhmi leh, rângkachak lallukhum ropuitak leh, lal silfên dumpâwl le vâra inthuomin lal hmai- hmaa chu a fe suok tah a; chuong- chun, Susa khawpui chu lâwmin a khêk tah a.

ESTHER 8:2

Chun, lal chun Hamana in- thawka a lâk, a kutsebi chu a lâk thlâk a, Mordekai kuoma chun a pêk tah a. Chun, Esther chun Haman in chu Mordekai chu ân enkawltir tah a.

ESTHER 8:8

Chuongchun, ṭha in ti angin, lal hmingin Judahai kuoma chun lekha ziek unla, lal kutsebi hin nam ro; lal hminga lekha ziek a, lal kutsebia nam chu, tukhawma an sukdanglam thei âwm si nawh a,” a ta.

INPÂKNA HLABU 73:6

Chuleiin, chapona chun khai- diet angin an rîng a zem a, Nunsietna chun silfên angin a tuom a.

THUVARHAI 1:9

I lua chun pâr ṭhi mawitak nîng an ta, I rîng vêla chun ṭhi ang an ni ding a ni sih a.

THUVARHAI 31:22

Ama ta ding chun puon kawp ta ṭiel ṭhungphahai a siem a, A silfên chu puon zai inhmi kawp dumpâwl a nih.

THUVARHAI 31:24

Puon zai inhmi silfênhai a siem a, a zawr a, Dâwrkaihai kuoma chun kâwngkhihai a pêk a.

HLAHAI HLA 1:10

I bienghai chu samphier le chun ngaino an bei hle a, I rînga lunghlu ṭhihruihai le chun.

HLAHAI HLA 4:9

Ka lungril chu i hne tah, ka farnu, ka mo, I mit sîr vawikhat mi âtna le, I rînga khaidiet pakhat chun ka lungril chu i sukhuoi tah.

ISAI 3:23

hlimen dâm, puon zai inhmi dâm, lukâwm dâm, intuommawina puon dâm chu.

JEREMIA 52:33

Chun, a lung in intângna silfênhai chu a thlengpêk a, a kuoma chun ni tinin a dam sûng po chu bu a fâk ve hlak a.

EZEKIEL 27:7

Nangma inchikna bîk a nina dingin I puonzâr chu Aigupta mi puon zai inhmi ṭiel a nih. I inchung chu Elisa thlierkâra inthawka dumpâwl le sendukin.

DANIEL 5:16

Amiruokchu, a umziehai chu i hril theiin, thu ringhlaumhai khawm chu i sukfel thei tiin i chanchin hi ka lo hriet a; tuhin, lekhaziek hi i tiem thei a, a umzie chu i mîn hriettir thei chun puon senduk insiltir nîng i ta, i rîngah rângkachak khaidiet inhlitir ni bawk i ta, hi rama hin rorêltu pathumna chu nîng i tih,” a ta.

DANIEL 5:29

Chun, Belsazzar chun thu a pêk a, Daniel chu puon senduk an insiltir a, a rînga chun rângkachak khaidiet an inhlitir a; chun, ama chungthua chun ram sûnga rorêltu pathumna chu a ni ding a nih ti thuphuong a siem tah a.

DANIEL 5:7

Chun, aisânthiemhai, Kaldai mi- hai le vânghriltuhai chu hung ṭhuoi dingin lal chu inringtakin a khêk tah a. Lal chun Babulona mi varhai kuoma chun, “Tukhawm hi lekhaziek hi tiem a, a umzie mîn entir thei taphawt chu puon senduk insiltirin a rînga chun rângkachak khaidiet inhlitir nîng a ta, hi ram rorêltu pathumna chu ni bawk a tih,” a ta.

LUKA 15:22

Nisienlakhawm, a pa chun a suokhai kuomah, ‘Puon ṭha tak kha hung la vat unla, insiltir ro; a kutah kutsebi dâm, a keah kekawk dâm inbuntir ro;

1 SAMUEL 18:4

Chun, Jonathan chun a puon sil lai a hlîp a, David chu a pêk a, a thuom le a kâwlhnâm le a thalngul le a kâwng khitna chenin a pêk a.