INṬANNA 4:14 - Pathien Lekhabu Inthieng (BSI)

¹⁴ Ngai ta, nangin vawisûn hin hnuoi chunga inthawkin i mi hnawt- hmang ta sih a; i mithmua inthawk thuphmangin ka um ding a ni tah a; hnuoia hin tlânhmang le invai ka lo ni ta ding a ni sih a, chuleiin, a mi hmu taphawtin mi that el an tih,” a ta.

INṬANNA 4:14 ပူးပေါင်းရင်းမြစ်များ

INṬANNA 3:24

Chuongchun, mihriem chu a hnawt dawk tah a; chun, hringna thing lampui chu vêng dingin Eden huon saktieng panga chun Cherubhai le mei kâwlhnâm inlet tuo zawk zawk chu a sie ta bawk a.

INṬANNA 4:13

Chun, Kaina chun LALPA kuomah, “I mi hremna hi a nasa bêk a, tuor zo naw ning.

2 SAMUEL 14:7

Chun, ngai ta, an sûngkuo po po chun i suoknu hi an do hrawn a, ‘A unaupa thattu chu, a unaupa a that leia kan that ve theina dingin mi pe raw khai, chuongchun, rohluotu ding khawm sukbohmang nghâl kan tih,’ an ta; chuongchun, ka meiling la um sun chu sukhlum an ta, ka pasal chu hnuoi chunga hming le thla hrim hrim nei loin a um el ding a nih,” a ta.

INPÂKNA HLABU 109:10

A nauhai chu mi invâi hung niin kut daw sienla, An fâk ding chu an hmun hluihaia chun zawng raw se.

INPÂKNA HLABU 109:12

A chunga ngilneina inlangtir pei dingtu tukhawm um naw sienla, A nau, pa bohai chu lunginsiet- tu ding tukhawm um bawk naw raw se.

INPÂKNA HLABU 143:7

Aw Lalpa, mi hung dawn vak la, ka thlarau a châu ding a ni hi; Ka kuoma hin i hmai thup naw la, Chuong naw chun khura zu fehai ang elin hung um rawi ka tih.

THUVARHAI 14:32

Mi khawhlo chu a thilthaw ri- loa chun sukthlûkin a um a, Mi fel ruok chun a thinaa chun beiseina a nei hlak.

THUVARHAI 28:1

Mi suol chu tukhawm ihnawt naw khawmin a tlânsie a, Mi felhai ruok chu sakeibaknei angin an huoi.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 52:3

LALPA lunginsenna leia anni chu Juda le Jerusalema a hmaihmaa inthawka anni a pei suok hmakhat chun Zedekia chu Babulon lal chungah a hel zing a.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

LEVI DÂN 26:17

In chunga chun ka hmai suk- thim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu ihnawt loin tlân in tih.

LEVI DÂN 26:36

Chun, nangni laia mi la um- sunhai chu, an hmêlmahai ramah an lungrilah thlabârna inumtir ka ta; hnaṭâwng inlêng riin anni hnawt a ta, kâwlhnâma inthawka tlânsie angin tlânsieng an ta, tu ihnawt dêr loin tlûng an tih.

NAMBAR 35:19

Thisen phubalatu chun tuol- thattu chu that nghâl el a tih. A hmu pha pha a sukhlum el ding a nih.

NAMBAR 35:21

intaina leia a chum hlum amani chun a sukhlumtu chu sukhlum ve ngei nîng a tih; tuolthat a nih, thisen phubalatu chun a hmu pha pha a sukhlum el ding a nih.

NAMBAR 35:27

thisen phubalatuin a himna khaw puoa a hmuh a, thisen phu- balatuin a that chun thisena chun thiemnaw chang naw ni;

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

DÂN PAHNINA 28:65

Chuong hnamhaia inthawk chun sâwldamna hrim hrim hmu naw ti niu a, in ke ta dingin châwlna hrim hrim um naw bawk a tih; chutaka chun LALPAIN inthinna lungril dâm, mit châuna dâm, nguina lungril dâm pe lem a ti cheu a,

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bo- hmangna chu;