INṬANNA 39:23 - Pathien Lekhabu Inthieng (BSI)

²³ LALPA chu Josef kuomah a um a, a thilthaw taphawt LALPA chun ân hlawtlingtir hlak leiin intângna in vêngtu chun a kuta thil um hrim hrim chu ama ngaisak ṭûl a ti ta nawh a.

INṬANNA 39:23 ပူးပေါင်းရင်းမြစ်များ

INṬANNA 39:20

Chuongchun, Josef pu chun ama chu a ṭhuoi a, intângna in, lal mi intâng khuopa an umnaa chun a khum tah a, chuongchun, chutaka intângna ina chun a um tah a.

INṬANNA 39:8

Ama ruok chu a nuom nawh a, a pu nuhmei kuoma chun, “Ngai ta, ka pu chun hi ina hin ka kuomah ieng ieng am a um a hriet si nawh a, a nei po po chu ka kutah a sie vawng a;

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm ieng- khawm ka sukpawi nawh,” a ta.

1 SAMUEL 2:30

Chuleiin, LALPA Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin LALPA chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni sih a.