INṬANNA 38:24 - Pathien Lekhabu Inthieng (BSI)

²⁴ Thla thum vêl amani hnunga chun Juda chu, “I monu Tamar chun tlangvâl a dit a, chunawa khawm, ngai ta, sâwn a pai nghe nghe annaw,” tiha hril a nih a. Juda chun, “Ṭhuoi suok unla, raw hlumin um raw se,” a tih a.

INṬANNA 38:24 ပူးပေါင်းရင်းမြစ်များ

INṬANNA 20:3

Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni sih a,” a ta.

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwl- nei a ni sih a, ṭawngṭaipêk a ti cheh a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a tih a.

INṬANNA 20:9

Chuongchun, Abimelek chun Abraham a ko a, a kuomah, “Kan chunga i thil thaw hi iengtizie am a nih a? Ieng kawng âm i chungah thil kan suksuola kei le ka khuoletui- hai chunga hin thil suol nasatak i hung intlungtir hi? Thil thaw âwm naw tak ka chungah i thaw ta hi,” a tih a.

INṬANNA 34:31

Anni ruok chun, “Kan farnu hi nawchizawr thawin a thaw el ding a ni?” an tih a.

INṬANNA 38:23

Juda chun, “Nei sawng el raw se, chuong naw chun muolpho rawi ei tih, en ta, hi kêlte hi kân phur a, ama i hmu zo si nawh a,” a tih a.

2 SAMUEL 12:5

Chuongchun, David chu chu mi chunga chun a lunginsen ta hle el a; Nathan kuoma chun, “LALPA hring- na sâlin ka hril hi, chu thil thawtu chu sukhlum el tlâk a ni chu,

2 SAMUEL 12:7

Chuongchun, Nathan chun David kuomah, “Chu mi chu nang hi i nih, LALPA, Israelhai Pathien chun hieng ang hin a tih, Israelhai lal ni dingin hriek ka nâl cheh a, Saula kuta inthawkin ka sansuok cheh a;

THUHRILTU 7:26

Chun, nuhmei a lungril chu chânghai le lênhai, a kuthai chu hnâng ang el neitu chu, thina nêka ṭha lem ka hmu suok a; tukhawm Pathien suklâwmtu chu amaa inthawk suok thleng an ta, amiruokchu, mi suol chu amanu chun man a tih.

JEREMIA 2:20

Inhmâta inthawk khan i rîng- kawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta sih a.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 3:6

Chu nawa khawm chun lal Josia hun lai chun ka kuomah LALPA chun a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa tah a.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuor- puinu rilotak Juda chun ṭitna châng a hriet chuong nawh a, ama ngei khawm chu a fe a, nawchizawrah a khawsa ve tah a.

EZEKIEL 16:15

“Nisienlakhawm, i hmêl ṭhatna chu i ring a, i hming inthangna lei chun nawchizawrah i um tah a; nang- ma hung khêltu taphawthai chunga chun i châkna chu i phal a; ama ta a ni tah a.

EZEKIEL 16:25

Lam tluongpui tinahai chun i hmun insânghai chu i bâwl a, i mawi- na chu tirdakumnain în changtir a, mi a hung khêl taphawt che kuoma chun în hlîm a, i hurna chu i sukpung tah a.

EZEKIEL 16:26

I tuolbâwm, tisa ropuina, Aigupta mi le khawm chun i lo uire tah a; lunginsennaa mi chophâwk dingin i hurna chu i sukpung tah a.

EZEKIEL 16:28

Mumal boa i um lei khan Assuria mihai kuoma khawm naw- chizawrah i lo insiem tah a; anih, an kuoma chun nawchizawr thil chu i lo thawa chu i lungawi tâwk si nawh a.

EZEKIEL 16:41

I inhai chu meiin râwng an ta, nuhmei tamtak mithmua chun i chunga rorêlna chu sukthlûng an ta; chun, nawchizawr anga um chu ma dingin siem ka ti cheh a, chun, hawman khawm pe ta ngai hrim hrim naw ti ni.

EZEKIEL 23:19

Nisienlakhawm, Aigupta rama nawchizawr thil a thaw lai, a tleirâwl lai nihai chu hre zingin, a hurnahai chu a la belsa ta rawp a.

EZEKIEL 23:44

Nuhmei nawchizawr hlak kuoma an lût hlak angin, anni chu ama kuoma chun an lût tah a; chuongchun, nuhmei hur, Ohola le Oholiba kuoma chun an lût tah a.

EZEKIEL 23:5

Chun, Ohola chun ka ta a ni sûng khawm chun nawchi a zawr a; a dit zâwnghai a tuolbâwm Assuria mihai ân saipuia,

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu. Ka dit zâwnghai chu hnawt ka tih, a ti a nih.

HOSEA 3:3

chun, a kuomah, “Ni tamtak sûng chu ka ta dingin i um ding a nih, nawchi i zawr ding a ni nawh a, tu nuhmei khawm i ni bawk ding a ni nawh; chuong ang bawk chun kei khawm i kuoma chun um ka tih,” ka ta.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “LALPA a hring zing angin” tiin inkhâm bawk naw ro.

LEVI DÂN 20:10

“Miin a tuolbâwm nuhmei a uiretpui chun, uiretupa le uirenu chu sukhlum ngei ding an nih.

LEVI DÂN 21:9

Thiempu naunuhmei tukhawm nawchizawra ân sukpawrche chun, a pa a sukpawrche a na, ama chu raw ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:22

Ringna i nei chu Pathien hmaah nang chau ihrietin nei el rawh. Mâni ṭha ti kawnga thiemnaw inchangtir naw chu a ham ṭha.

DÂN PAHNINA 24:16

“Nauhai leiin pahai chu suk- hlum ding a ni nawh a, pahai leiin nauhai khawm sukhlum ding a ni bawk nawh; mi tin mâni suol lei chaua sukhlum ding a nih.

RORELTUHAI 19:2

A thaikêm chun a uiretsan a, chuongchun, Juda ram Bethlehemah a pa kuomah a tlânsan a, chutaka chun thla li zet a um a.