INṬANNA 37:9 - Pathien Lekhabu Inthieng (BSI)

⁹ Chun, mang dang a nei nâwk a, a uhai chu a hril nâwk a, “Ngai ta u, mang ka nei nâwk a, nisa, thla le arasi sâwmpakhat khin chibai an mi lo bûk chu tie,” a tih a.

INṬANNA 37:9 ပူးပေါင်းရင်းမြစ်များ

INṬANNA 20:3

Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni sih a,” a ta.

INṬANNA 37:10

Chun, a pa chu a hril a, a uhai khawm; chun, a pa chun a kâwk a, a kuomah, “Mang i nei hi ieng mang am a ni lie? Kei le i nu le i uhai hin hnuoi sikin chibai kan bûk hlak ding che am a nih?” a tih a.

INṬANNA 37:7

ngai ta u, loa hin buphalhai ei lo intêl a, ngai ta u, ka buphal chu a hung tho a, a ngîr ta a; in buphalhai chun an hung inhuol a, ka buphal chu chibai an bûk tâwl a,” a tih a.

INṬANNA 37:8

A uhai chun a kuomah, “Nang tehin kan chungah ro i rêl vei ding maw? Nang tehin kan chungah thu i nei vei ding maw?” an tih a. Chuong- chun, a mang lei le a thuhril lei chun ama chu an theida nâwk zuol det a.

INṬANNA 41:25

Chun, Josef chun Pharao kuom- ah, “Pharao mang hi thuhmun a nih: Pathienin a thilthaw ding Pharao ân hriettir a ni chu.

INṬANNA 41:32

Chun, Pharao mang ân nei nawntirna che chu hi lei hi a nih, thil thaw ding chu Pathienin a sukdet a, Pathien bawkin ân tlungtir vak ding leiin.

INṬANNA 42:6

Chun, Josef chu Aigupta ram chunga chun hotu a nih a, ama chu chu rama mi po po kuoma a zawrtu a nih: chuongchun, Josef unauhai chu an hung a, hnuoi sikin ama chibai an bûk tâwl a.

INṬANNA 43:26

Josef chu a inah a hung phingleh, an lawmman hung chawi chu in sûngah a kuomah an chawi lût a, hnuoi sikin chibai an bûk tâwl a.

INṬANNA 43:28

Anni chun, “Kan pa i siehlaw chu a dam lai a nih, damin a la um,” an tih a. Chun, an lu an kûn a, chibai an bûk nâwk a.

INṬANNA 44:14

Chun, Juda le a unauhai chun Josef in chu an va tlung a, ama chu chutaka chun a lo la um zing a; chun, a hmaa chun an bawkkhup tâwl tah a.

INṬANNA 44:19

Pu, nangin, ‘Pa amanih, unau amanih in nei am?’ tiin i siehlawhai hi i mîn dawn a.

INṬANNA 45:9

Inhmâwtakin ka pa kuomah hang fe unla, a kuomaah, ‘I naupa Josef chun hieng ang hin a tih, Pathienin Aigupta ram po po hotuah a mi siem tah a, ka kuomah hung thla rawh, sâwt hung riel naw rawh;

INṬANNA 46:29

Chun, Josef chun a tawlailîr chu a siemrêl a, Gosenah a pa Israel tuok dingin a hang feh a: chun, a kuomah ân hriettir a, a ir a suktuoh a, sâwt fe a ir suktuoin a ṭap a.

INṬANNA 47:12

Chun, Josef chun a pa le a unauhai le a pa sûnghai po po chu, an sûngkuo ang peiin fâk ding a pêk a, a châwm tah a.

DANIEL 8:10

Chun, vân mipuihai laia khawm chun a hung ropui hleh a; chuong- chun, pâwl ṭhenkhat le arasi ṭhen- khat chu hnuoiah a pei thlâk a, anni a sirde tah a.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei LALPA hi inlârnain inhriettir ka ta, mang tieng bieng ka tih.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin.Annirawi laia hringna thu in inhlan pha chun, khawvêla hin sukvartu dingin insuklang ro.