INṬANNA 36:7 - Pathien Lekhabu Inthieng (BSI)

⁷ An thil neihai chu a nasa taluoh a, an um hmunkhat thei naw a nih; an ranhai leiin an khuolchâmna ram chun a dai ta si nawh a.

INṬANNA 36:7 ပူးပေါင်းရင်းမြစ်များ

INṬANNA 13:11

Chuongchun, Lota chun Jordan phaizâwl po po chu a thlang tah a; chun, Lota chu saktieng chun ân tâwl tah a: chuongchun, an inṭhe tah a.

INṬANNA 13:6

An um rêlna dingin ramin a dai ta nawh a, an thil nei chu a nasa hle sih a; chuongchun, an um hmunkhat thei ta dêr da el a.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kum- khaw ro dingin ka pêk ding cheu a nih; chun kei hi an Pathien nîng ka tih,” a tih a.

INṬANNA 28:4

Mikhuol i nina ram, Pathienin Abraham kuoma a pêk hi i hluo theina dingin Abraham malsâwmna chu indawngtir bawk raw se che, nang le i thlahai khawm,” a tih a.

1 CHANCHIN SUINA 29:15

Kan thlatuhai po po ang bawk khan i hmaa hin pêm le mikhuol el kan ni sih a; hi hnuoia hin kan nihai chu hlîm ang el a na; tukhawm um sawng hrim khawm an um nawh.

INPÂKNA HLABU 39:12

Aw LALPA, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni sih a.

JEREMIA 35:7

in khawm bâwl ngai naw ti niu a, thlai chi khawm thlâk nâwng in ta, grêp huon khawm chîngin amanih, nei khawm nei bawk naw ti niu; nisienlakhawm, in nihai po po chu puon inah chêng in ta, in inpêmna rama chun ni tamtak in um theina dingin,’ tiin.

HEBRAIHAI 11:9

Ringnain ram tiema khan mi rama châm ang elin a lo châm ta zing a, thutiem hmunkhat, ro a ihluopui ding Isak le Jakob hai angin puon inahai a lo um a;