INṬANNA 32:29 - Pathien Lekhabu Inthieng (BSI)

²⁹ Chun, Jakobin ama chu ân dawn a, “Lunginsiettakin i hming mi hril rawh,” a tih a. Ama chun, “Iengleia ka hming indawn am i nih a?” a tih a. Chun, chutaka chun mal a sâwm tah a.

INṬANNA 32:29 ပူးပေါင်းရင်းမြစ်များ

INṬANNA 17:5

I hming khawm Abram ni ta naw nih a, i hming chu Abraham ni ta lem a tih, chi tamtak thlatu dingin ka siem ta che hi.

INṬANNA 35:10

Pathien chun a kuomah, “I hming hi Jakob a nih a, i hming hi Jakob ti nâwk ta naw ni hai cheha, i hming chu Israel ni lem tâng a tih,” a tih a; chuongchun, a hminga chun Israel a ti tah a.

INṬANNA 35:9

Chun, Jakob chu Paddan-aram rama inthawka a hung nâwk chun Pathien a kuomah ân lâr nâwk a, mal a sâwm a,

1 LALHAI 18:31

Chun, “I hming chu Israel nîng a tih,” ti lo dawngtu Jakob nauhai hnam zât lung sâwm le pahni Elija chun a lâk a.

2 LALHAI 17:34

Kha hmaa an thaw dân angin tu chen khawm hin an la thaw zing a nih; LALPA chu an ṭi nawh a, LALPAIN Jakob thla Israelhai tia ân bûkhai kuoma a pêk thuruothai, rorêlhai, dânhai le thupêkhai khawm an zâwm bawk nawh.

1 CHANCHIN SUINA 1:34

Chun, Abraham chun Isak a nei a; Isak naupasalhai chu: Esau le Israel.

JOB LEKHABU (THE BOOK OF JOB) 11:7

A zawnga zawng ngawtin Pathien thil inthûkhai chu i hmu suok thei ding am a nih? Iengkimthawthei chu a famkimin i hmu suok thei ding am a nih?

THUVARHAI 30:4

Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

HOSEA 6:1

“Hung ta u, LALPA kuomah kîr ei tiu, A mi kei nâwi taha chu a mi lo sukdam nâwk ding a ni sih a, A mi lo vuok ta nâka chu a mi tuom nâwk ding a ni sih a;

NAMBAR 20:14

Mosie chun Kadesa inthawk chun Edom lal kuomah mi a tir a, “I unaupa Israel chun hieng hin a tih, ‘Kan chunga tuorna hung tlung po po hi i hriet a;

LUKA 1:19

Vântirko chun a dawn a, a kuomah, “Gabriel, Pathien hmaa ngîr hlak ka na; a be ding che le, chuong thu ṭha chu hril ding chea hung tir ka nih.

DÂN PAHNINA 29:29

Thil inthuphai chu LALPA ei Pathien ta a na, thil suklanghai ruok chu hi dân thu po po hi ei zâwm theina dingin eini le ei thlahai ta kumkhuo ding a nih.