INṬANNA 32:11 - Pathien Lekhabu Inthieng (BSI)

¹¹ Lunginsiettakin ka u kuta inthawk, Esau kuta inthawk ngei chu mi sanhim rawh, nunau puma a mi hung that ka ṭi sih a.

INṬANNA 32:11 ပူးပေါင်းရင်းမြစ်များ

INṬANNA 24:27

Chun, “Ka pu chunga a lunginsietna le a takna bo ngailo LALPA, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a tih a.

INṬANNA 27:41

Chun, a pain mal a sâwmna lei chun Esau chun Jakob chu a theida tah a. Esau chun a lungrilin, “Ka pa sûn ni ding chu a hnai tah a, chu pha chun ka sang Jakob chu that el ka tih,” a tih a.

INṬANNA 27:42

A naupa upa lem Esau thu hril chu Rebeka an hril a; chuongchun, mi a tir a, a naupa naupang lem Jakob chu a ko a, a kuomah, “Ngai ta, i u Esau chun i chungthuah nang sukhlum tum chein ân hnêm a nih.

INṬANNA 32:3

Chun, Jakob chun Seir rama Edom phûl tienga a u Esau kuoma chun a hmaah zuolkohai ân tlântir a.

INṬANNA 32:7

Chuongchun, Jakob chu a ṭi êm êm a, a lunginzîng tah a; chun, a kuoma mi umhai dâm, berâm ruol le bâwng ruol dâm, sanghâwngseihai dâm chu pâwl hniin a siem a:

INṬANNA 33:4

Chun, Esau chu ama lâwm dingin a tlân a, a kuoh a, a ir a suktuoh a, a fâwp a; chun, an ṭap ve ve tah a.

2 SAMUEL 7:18

Chuongchun, lal David chu a lût a, LALPA hmaa chun a ṭhung a, “Aw Lalpa PATHIEN, tu am ka na, ka sûnghai tu am an na, hi chen chen hi i mi ṭhuoi?

INPÂKNA HLABU 119:134

Mihriem nêksâwrnaa inthawk chun mi sanhim la, Chuongchun, i thununna thuhai chu ka zâwm ding annâwm.

INPÂKNA HLABU 142:6

Ka khêk ri hi lo ngai la, nasataka sukhnuoiin ka um ta sih a, A mi suknawmnatuhaia inthawk hin mi sanhim la, keia nêkin an hrât lem sih a.

INPÂKNA HLABU 16:1

Aw Pathien, mi humhim rawh, nangmaa chun ka ringna kân nghat si hlak a.

INPÂKNA HLABU 25:20

Aw ka hringna vawngṭha la, mi sanhim rawh; Muolphoin mîn umtir naw la, nangmaa chun ka ringna kân nghat sih a.

INPÂKNA HLABU 31:2

Keia tieng hin i na hung sit la, mi sanhim vat la, Ka ta dingin lungpui dettak, mi sandam dinga humhimna in, hung ni rawh.

INPÂKNA HLABU 43:1

Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

THUVARHAI 18:19

Unaupa suklungawiloa um chu khawpui dettak nêkin hne ân tak lem, Chuong inhalnahai chu kula thîrtluonhai ang a nih.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

HOSEA 10:14

Chuleiin, i mihai laia chun buoi mup mupna hung suok a ta, Salman chun indona nia Beth- arbel a suksiet ang khan, I kulhai po po chu suksiet nîng a tih; Nu chu a nauhai leh peinawiin an um a nih.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

DÂN PAHNINA 22:6

“Lampuia vate bu, thinga manih, hnuoia manih, a te amanih, a tui amanih um, a te amanih, a tui amanih a puiin a awp lai in hmu chun a te chu a pui pumin in lâk ding a ni nawh.

1 SAMUEL 12:10

Chun, LALPA chu an ko a, ‘LALPA chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawng- bâwl kan tih,’ an ta.

1 SAMUEL 24:15

Chuleiin, LALPA chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.