INṬANNA 3:8 - Pathien Lekhabu Inthieng (BSI)

⁸ Chun, LALPA Pathien chu zântieng nisa deia huona a hung lêng chu an hriet a: chuongchun, Mihriem le a nuhmei chun huona thing lai chun LALPA Pathien chu an lo inbîksan tah a.

INṬANNA 3:8 ပူးပေါင်းရင်းမြစ်များ

INṬANNA 18:33

Chun, LALPA chu Abraham le an inbiek zo phingleh a fe tah a, Abraham chu ama umna tieng a kîr nâwk tah a.

INṬANNA 3:10

Ama chun, “Huonah i ri ka hriet a, saruok ka ni leiin ka ṭi tah a, chuongchun, kân bihmang a nih,” a ta.

JOB LEKHABU (THE BOOK OF JOB) 22:14

Sûm sâmuphai chu ama inkhumna a na, a hmu thei nawh, Vân vêla chun a fe hlak a nih,’ i ta.

JOB LEKHABU (THE BOOK OF JOB) 31:33

Mihai anga ka bawsietnahai chu ka ip a, Ka ângsûnga ka rîtlona chu thupa kân khum chun;

JOB LEKHABU (THE BOOK OF JOB) 38:1

Chun, thlivira inthawkin LALPA chun Job chu a hung dawn a, a hril tah a:

THUVARHAI 15:3

LALPA mithai chu hmun tinah a um a, Thil ṭha le thil ṭha naw chu a hmu zing hlak.

JEREMIA 23:24

LALPA chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ LALPA chun a tih.

HOSEA 10:8

Israel suolna Aven hmun insânghai khawm chu suksiet nîng a tih, An mâichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

LEVI DÂN 26:12

Nangni lai chêng ka ta, in Pathien nîng ka ta, nangni khawm ka mihai nîng in tih.

JONA 1:3

Nisienlakhawm, Jona chu LALPA hmaa inthawka Tarsis-a tlân hmang dingin a tho tah a; chun, Joppa khuoah a zuk feh a, Tarsis khaw pan ding lawng a hmuh a, chuongchun, a chuong man ding chu a pêk a, LALPA hmaa inthawk chun Tarsis pan dinghai le fe dingin lawnga chun a lût thla ve tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:15

an lungrilah dân sinthaw chu ziek a nih ti an inentir a; chu chu an sie le ṭha hrietnain an hrietpui a, an lungrilhai chu ân sêl a, akâr leh thiem ân changtir vak a, akâr leh thiemnaw ân changtir vak a.

DÂN PAHNINA 23:14

LALPA in Pathien chu in rie- bûkah nangni sanhim ding le in hmêlmahai pe ding cheuin a hung ṭhang ve pei hlak sih a, chuleiin, in riebûk chu ân thieng ding a nih; chuong naw chun nangni lai thiltir- dakum hmûng a ta, fesan el rawi a ti cheu.

DÂN PAHNINA 4:33

Meia inthawka thu hung hril a, in hriet a, in la hring ta rawpna Pathien râwl mîn an hriet hlakin,

DÂN PAHNINA 5:25

Chuleiin, ieng dingin am thîng kan ta? Hi mei nasatak hin a mi kâng hmang el naw ding am a nih? LALPA ei Pathien râwl chu kan hriet nâwk chun thi el kan tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

THUPUONGSUO 6:15

Chun, hnuoia lal dâm, mi lien dâm, sipai hotu tak dâm, mi hausa dâm, mi hrât dâm, suok le suok naw tinrênghai chu pûka le tlânga lungpuihaia chun an inbih a.