INṬANNA 3:15 - Pathien Lekhabu Inthieng (BSI)

¹⁵ nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INṬANNA 3:15 ပူးပေါင်းရင်းမြစ်များ

INṬANNA 49:17

Dan hi lamliena rûl, Lampuia rûlriel, A chunga chuong a thala tla dêr khawpa Sakawr kea chuk hlaktu hi nîng a tih.

INPÂKNA HLABU 132:11

LALPA chun David kuomah thutakin ṭawng ân khâm tah a, Chu chu nghatsan naw nih. “I taksa raa mi i lalṭhungphaa chun inṭhungtir ka ta;

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun LALPA chun thil thar a siemsuok a, “Nuhmeiin pasal a hum ta lem,” ti hi.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni loin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; suk- rêma umna ding chu ruot a ni ta sih a.

AMOS 9:3

Karmel tlâng sîpah inbihmang hai sien khawm, zawng ka ta, chutaka inthawk chun anni chu la thlâng ka tih; chun, tuisuoriet mawngah ka mithmu nawah inbihmang hai sien khawm, chutaka rûl chu thu pêng ka ta, anni chu chuk a tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 1:25

nisienlakhawm, naupasal a nei hmakhat chu a pâwl nawh a; chun, a hming chu ISU a sak tah a.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsen hung tlung ding hi tlânsan dingin tuin am a kâwk cheu a?

MARKA 16:18

Rûlhai kut chungah dawm an ta, thina tûr iengang khawm dâwn hai sienla iengkhawm ti naw ni hai; damnawhai chungah an kut innghat an ta, dam pei an tih,” a ta.

LUKA 1:76

Anih, Bawipu, nang hi Achunghnungtak zâwlnei tîng an ti che. A lampuihai siem dingin Lalpa hmaah i fe ding a ni sih a;

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

LUKA 22:53

Pathien biekina in kuoma ni tin ka um laihai khan mi man tumin in mi ban si nawh a; nisienlakhawm, tuhi nangni hun a nih, inthim thuneina leh,” a ta.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:13

An hnuk chu thlân inhawng a na, An leiin inhlêmna thu a hril a, An bau sûngah rûl tûr a um a,

GALATI 4:4

Nisienlakhawm, a hunbi a hung kim khan, Pathienin a Naupa, nuh- mei inei, Dân hnuoia hung piengin, a tir suok tah a,

EPHESI 4:8

Chuleichun, “Chung tienga a hang fe lai khan, Sal intânghai chu a ṭhuoi a; Mihriemhai kuoma khawm, Thilpêkhai a pêk a,” a ti chu.

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang tah a.

HEBRAIHAI 2:18

Ama ngei chun thlêmna tuokin a lo tuor ta leiin, thlêmna tuokhai chu a ṭhangpui thei a nih.

HEBRAIHAI 5:7

Ama chun a tisa put lai nihaia khan thinaa inthawka ama sandam theitu kuoma khan nasataka khêk le mitthli tla puma ṭawngṭainahai le hninahai ân hlân a, a ṭi dêk leiin ngaiin a um a,

1 JOHAN 3:10

Hitaka hin Pathien nauhai le Diebol nauhai ân hriet a nih; tû- khawm felna thaw naw chu Pathiena inthawka suok a ni nawh a, a unau hmangai naw khawm chu Pathiena inthawka suok a ni bawk nawh.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

1 JOHAN 5:5

Isu hi Pathien Naupa a nih ti ringtu chau naw chun tuin am khawvêl a hne hlak a?

THUPUONGSUO 12:17

Chuongchun, drakon chu nu- hmei chunga chun a hung lunginsen a, a thla la um Pathien thupêkhai zâwm a, Isu inhriettirna thu pawm- hai chu do dingin a fe tah a.

THUPUONGSUO 13:7

Chun, mi inthienghai a do le a hne phal a na, chi tinrêng dâm, mi tinrêng dâm, ṭawng tinrêng dâm, hnam tinrêng dâm chunga thuneina a kuoma pêk a ni bawk a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei tah a; chuongchun, chatuonin a sûn a zâna sawisakin um an tih.