INṬANNA 3:13 - Pathien Lekhabu Inthieng (BSI)

¹³ Chun, LALPA Pathien chun nuhmei kuoma chun, “I thilthaw hi iengtizie am a na?” a ta. Nuhmei chun, “Rûlin a mi hlêm a ka fâk tah a nih,” a ta.

INṬANNA 3:13 ပူးပေါင်းရင်းမြစ်များ

INṬANNA 12:18

Chuongchun, Pharao chun Abram chu a ko a, “Ka chunga i thilthaw hi iengtizie am a ni ta leh? I nuhmei a nih ti iengdinga i mi hril naw am a na?

INṬANNA 44:15

Chun, Josef chun an kuomah, “Ieng thil am an ta leh in thaw hi? Keia ang mi hin ai an sân thiem ngei ngei ti in hriet naw am a nih?” a tih a.

2 SAMUEL 3:24

Chuongchun, Joab chu lal kuoma chun a feh a, “I thil lo thaw hi iengtizie am a ni leh? Ngai ta, Abner chu i kuomah a hung a, iengdinga în fetir a, a fe dai el am a ni ta leh?

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, LALPA thuin, ‘Bei dâm fah a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

LEVI DÂN 12:5

Naunuhmei a nei ruok chun nuhmei dân pângngai huna ân thieng naw angin châwlkâr hni chu inthieng naw nîng a tih; chun, thisen leia inthienin ni sâwmruk paruk a la um ta rawp ding a nih.

JONA 1:10

Chun, mihai chun an ṭi nasa ta êm êm a, a kuoma chun, “Sei le, ieng am i lo thaw an leh?” an tih a; a hril ta lei chun mihai chun LALPA hmaa inthawkin a tlân hmang a nih ti an hriet tah a.

JOHAN 18:35

Pilatin, “Kei Juda am ka nih? nangma chihai le thiempu lalhaiin ka kuomah an hung ṭhuoi che a ni hi, thil ieng am i thaw hrim leh?” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:11

suolna chun thupêk lei chun, remchângna hmuin a mi lo hlêm a, thupêk chu hmangin a mi sukhlum tah a nih.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

1 TIMOTHE 2:14

Chun, Adam chu hlêmin a um nawh a, nuhmei ruok chu hlêmin a um a, bawsietnaah a tlu tah a.

1 SAMUEL 13:11

Chun, Samuel chun, “Ieng am a ni leh i lo thaw chu?” a ta. Saula chun, “Mipuihai chun an mi fe hmangsan tah a; nang hlak chu ni ruot nia chun i hung tlung ta nawh a; Philistin mihai hlak chu Mikmasa chun an pung- khâwm huk tah ti ka hriet sih a.

1 SAMUEL 15:15

Chun, Saula chun, “Amalek mihai ta an hung lâkpêk a nih, LALPA i Pathien kuoma inthâwina dingin mipuihaiin berâm ṭha ṭhahai le, bâwngchal ṭha an hla a nih, chun a dang po po chu kan sukhlum vawng a nih,” a ta.