INṬANNA 29:4 - Pathien Lekhabu Inthieng (BSI)

⁴ Jakob chun an kuomah, “Ka unauhai, khawtienga mi am in nih a?” a tih a. Anni chun, “Harana mi kan nih,” an tih a.

INṬANNA 29:4 ပူးပေါင်းရင်းမြစ်များ

INṬANNA 11:31

Tera chun a naupa Abram le, a naupa naupasal (Haran naupa) Lota le, a mo, a naupa Abram nuhmei Sarai chu a ṭhuoi a; Kanaana fe dingin Kaldaihai khuo Ura inthawk chun an suok tlâng tah a; nisienlakhawm, Haran an hung tlung a, chutaka chun umhmun an khuor tah a.

INṬANNA 24:10

Chun, siehlaw chun a pu sanghâwngsei laia mi sanghâwngsei sâwm a ṭhuoi a, a pu thil ṭha tinrêng chawiin a suok tah a: chuongchun, a tho a, Mesopotamia rama Nahor-hai khuoa chun a fe tah a.

INṬANNA 27:43

Chuleichun, ka naupa, tuhin ka thu hi awi rawh: tho la, Harana ka ṭapa Laban inah tlânhmang rawh.

INṬANNA 28:10

Jakob chu Beer-sebaa inthawk- in a suok a, Haran tieng a pan tah a.

INṬANNA 29:3

Chutaka chun berâm ruol po po chu an fe khâwm hlak a, tuisunsuo kawta lung chu an inhlum hmang a, berâmhai chu tui an indâwntir a, lung chu tuisunsuo kawta a umna pângngaia chun an sie nâwk hlak a.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

THILTHAWHAI 7:4

Chun, ama chu Kaldaihai rama inthawkin a suok a, Haranah a va um tah a; chun, a pa a thi hnungin chutaka inthawkin hi tuta in umna khuo tieng hin Pathienin ân pêm lûttir a.