INṬANNA 27:37 - Pathien Lekhabu Inthieng (BSI)

³⁷ Isak chun a dawn a, Esau kuomah, “Ngai ta, ama chu i lalah ka siem a, a unauhai po po khawm a siehlaw dingin ka pêk vawng a; bu le uoinin ka châwm ta bawk a; ka naupa, nanga ta dingin iengam thawpêk ka ti cheh a?” a tih a.

INṬANNA 27:37 ပူးပေါင်းရင်းမြစ်များ

INṬANNA 25:23

Chun, LALPAIN a kuomah, “I sula chun chi hni an um a, I phîng sûnga inthawk ngei chun hnam hni inṭhêng an ta, Hnam pakhat chu hnam pakhat nêk chun hrât lem a ta; A upa lemin a naupang lem rawng chu bâwl a tih,” a tih a.

2 SAMUEL 8:14

Chun, Edoma chun râl vêng sipai a sieh a, Edom ram hmun tinah sipai a sie nghuon el a; chuongchun, Edom mihai po po chu David sie- hlawhai an hung ni tah a; chuong- chun, LALPAIN David chu a fena tieng taphawtah ân hnetir ta pei a.

1 LALHAI 22:48

Jehosaphat chun Ophira râng- kachak phur ding Tarsis lawnghai a tuk a, nisienlakhawm, an fe ta nawh a; Ezion-geber hmuna chun lawnghai chu a se ta vawng sih a.

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,