INṬANNA 27:12 - Pathien Lekhabu Inthieng (BSI)

¹² Ka pa chun a mi lo them vêl el khawm a ni thei a, ama ngaiin hlêmtu ang hung ni ding ka nih a, malsâwm nêk hmanin ṭawngsie inphur ni lem el ka tih a,” a tih a.

INṬANNA 27:12 ပူးပေါင်းရင်းမြစ်များ

INṬANNA 25:27

Chun, naupanghai chu an hung inṭhang lien a, Esau chu sapêl thiemtak, ramsuok mi tak a nih; Jakob ruok chu mi totak, puon in dâma um mi a nih.

INṬANNA 27:36

Esau chun a hminga Jakob an ti hi an ti dik hle ni lo am a nih? hi vawi hni a mi lân tah a nih a: ka nau lutir nina a mi lâkpêk a; chun, ngai ta, tuhin ka malsâwmna chu a mi lâkpêk nâwk ta hi,” a tih a. Chun, ama bawkin, “Malsâwmna i mi la hlapêk naw am a nih?” a tih a.

INṬANNA 27:45

i u lungsenna hi a bo a, a chunga i thilthaw hi a theinghil pha chun mi tir ka ta, chutaka inthawk chu hung inṭhuoitir ka ti che, iengdingin am ni khatah in pahni hni chun chân el ka ti cheu a?” a tih a.

INṬANNA 9:25

Chuongchun, “Kanaan chu ṭawngsephurin um raw se; A unauhai siehlawhai siehlaw nîng a tih,” a ta.

JOB LEKHABU (THE BOOK OF JOB) 12:16

Amaa chun hrâtna le varna famkim chu a um a, Hlêma um le hlêmtu khawm chu ama ta bawk a nih.

JEREMIA 48:10

LALPA sin hmusittaka thawtu chu ṭawngsephurin um raw se; thisen insuo dinga a kâwlhnâm la kîrtu chu ṭawngsephurin um bawk raw se.

MALAKI 1:14

Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.

2 KORINTH 6:8

sukropuina le sukmuolphonain, hming hril siet le hming hril ṭhatin, hlêmtu angin, mi indiktak ni siin,

DÂN PAHNINA 27:18

“‘Lampuia inthawka mitdel lampui nawa infetirtu chu ṭawngse- phurin um raw se,’ tîng an ta, mipui po po chun, ‘Amen’ an lo ti ding a nih.

1 THESSALONIKA 5:22

Suol anga inlang po poa inthawk chun insiekieng ro.