INṬANNA 26:31 - Pathien Lekhabu Inthieng (BSI)

³¹ Zîngtieng chun inhmatakin an tho a, ṭawng an inkhâm tuoh a. Chun, Isakin anni chu ân fetir tah a, a kuoma inthawk chu lungmuongtakin an suok tah a.

INṬANNA 26:31 ပူးပေါင်းရင်းမြစ်များ

INṬANNA 14:22

Abram chun Sodom lal kuoma chun, “Hnuoi le vân neitu LALPA Pathien Chunghnungtak tieng chun ka bân ka phar tah a nih;

INṬANNA 19:2

chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a tih a. Anni chun, “Ni lo e, khawlaiah riek lem kan tih,” an tih a.

INṬANNA 21:14

Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir tah a; chuongchun, a feh a, Beer-seba thlalêra chun ân vâk ân vâk tah a.

INṬANNA 21:23

chuleiin, ka lo lunginsiet ta che ang khan kei le hi i khuolchâmna ram hi lunginsiet ve thunga, kei le ka nau- pa le ka naupa naupa khawm hlêm lo dingin Pathien hming sâlin tuhin ka kuomah inkhâm rawh,” a tih a.

INṬANNA 21:27

Chuongchun, Abraham chun berâmhai le bâwngchalhai a ṭhuoi a, Abimelek kuomah a pêk a: chun, an pahni chun thu an thlung tah a.

INṬANNA 22:3

Chun, Abraham chu zîngkâr inhmatakin a tho a, a sabengtung a siem a, a kuomah a siehlaw tlangvâl pahni a ṭhuoi a, a naupa Isak le chun; chun, pumrawhmanga inthawina ding chun thing a chêk a, a tho a, Pathienin a hrilna hmun tieng chun a fe tah a.

INṬANNA 25:33

Jakob chun, “Ka kuomah inkhâm zet raw le,” a tih a: chun, a kuoma chun ân khâm tah a, a nau lutîr nina chu Jakob kuoma chun a zawr tah a.

INṬANNA 26:32

Chu ni le le chun Isak sie- hlawhai chu an hung a, an tuisunsuo cho chanchin an hung hril a, a kuomah, “Tui kan hmu tah,” an tih a.

INṬANNA 31:44

Hung ta, kei le nang hin thu thlung ei tih, chu chu kei le nanga kâra hrietna ni raw se,” a tih a.

INṬANNA 31:55

Chun, zingkâr Laban chu a tho a, a tuhai le a naunuhmeihai chu a fâwp a, mal a sâwm a; chun, Laban chu a feh a, ama umna tieng a kir nâwk tah a.

HEBRAIHAI 6:16

Mihriem hin anni nêka ropui lem sâlin an inkhâm hlak a nih, an insêlna tinrênga khawm sukdetna dingin inkhâm hi suktâwpna a ni hlak a.

1 SAMUEL 14:24

Chun, chu ni chun Israel mihai chu an lunginzîng a; nisienlakhawm, Saula chun, “Ka hmêlmahai chunga phuba ka lâk a, khuo a hung inhnu hmaa tukhawma bu a fâk chun ṭawng-sephurin um raw se,” tiin mi- pui chu a vau a. Chuongchun, tu- khawma bu chu intem khawm an intem dêr nawh a.

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el sih a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, LALPA hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.

1 SAMUEL 30:15

David chun a kuomah, “Chuonghai rawi umnaa chun mi zu ṭhuoi thei i ti?” a ta. Ama chun, “Mi that lo ding le, ka pu kuta mi pe nâwk lo dingin Pathien hming sâlin ṭawng inkhâm la, chuongchun, chuonghai umnaa chun zu ṭhuoi ka ti che,” a ta.