INṬANNA 26:3 - Pathien Lekhabu Inthieng (BSI)

³ Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 26:3 ပူးပေါင်းရင်းမြစ်များ

INṬANNA 12:7

Chun, LALPA chu Abram kuomah ân lâr a, “Hi ram hi i thlahai kuomah la pêng ka tih,” a tih a; chuongchun, chutaka chun a kuoma inlâr LALPA ta ding chun mâichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 13:17

Tho la, ram hi a dung a khangin fang suok rawh; i kuomah ka pêk ding che a nih,” a tih a.

INṬANNA 15:18

Chu ni chun LALPA chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kum- khaw ro dingin ka pêk ding cheu a nih; chun kei hi an Pathien nîng ka tih,” a tih a.

INṬANNA 20:1

Abraham chu Mamrea in- thawk chun Sim ram tieng panin ân tâwl a; Kades le Sur inkârah umhmun a khuor a; Gerarah a um hri tah a.

INṬANNA 25:11

Abraham thi hnung chun Pathienin a naupa Isak chu mal a sâwm a; chu Isak chu Beer-lahai-roi kâwla chun a um a.

INṬANNA 26:12

Chun, Isak chun chu rama chun bu a chîng a, chu kum chun a let za a hmuh a. LALPAIN ama chu mal a sâwm a,

INṬANNA 26:14

Berâm ruolhai, ran ruolhai a nei a, sûnghai tamtak a nei bawk a; chuongchun, Philistin mihai chun an thîk tah a.

INṬANNA 26:24

Chu zân ngei chun LALPA chu a kuomah a hung inlâr a, “Kei hi i pa Abraham Pathien chu ka nih, ṭi naw rawh, i kuomah ka um annâwm, mal sâwm ka ti cheh a, ka siehlaw Abraham leiin i thlahai chu ka la sukpung ding a nih,” a tih a.

INṬANNA 28:13

A tâwpa chun LALPA a ngîr a, “Kei hi LALPA i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

INṬANNA 28:15

Ngai ta, i kuomah ka um a, i fena taphawtah vêng pei ka ti cheh a, hi rama hin ṭhuoi kîr nâwk ka ti che: i kuoma ka hril hi ka thaw hmakhat chun thlathlam naw ning che,” a tih a.

INṬANNA 31:3

Chun, LALPA chun Jakob kuomah, “I thlatuhai le i laibunghai ramah fe nâwk ta rawh, i kuomah um pei ka tih,” a tih a.

INṬANNA 35:12

Abraham le Isak kuoma ram ka pêkhai hi i kuomah pêng ka ti che, i um naw hnunga i thlahai kuoma khawm ram hi pe pei ka tih,” a tih a.

INṬANNA 39:2

LALPA chu Josef kuomah a um a; chuongchun, ama chu mi hlawtling- tak a hung ni tah a, a pu Aigupta mi ina chun a um a.

INṬANNA 39:21

Nisienlakhawm, LALPA chu Josef kuomah a um pei a, a chungah za a ngai a, intângna in vêngtu khawm ân lunginsiettir a.

INṬANNA 48:21

Chun, Israel bawk chun Josef kuomah, “Ngai ta, ka thi ding a ni tah a: nisienlakhawm, Pathien chu in kuomah um a ta, in thlatuhai rama chun ṭhuoi nâwk a ti cheu.

INṬANNA 50:24

Chun, Josefin a unauhai kuom- ah, “Ka thi ding a ni tah a, ni- sienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuvin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a tih a.

1 CHANCHIN SUINA 16:16

Abraham kuoma a thuthlung le, Isak kuoma a inkhâmna chu.

INPÂKNA HLABU 105:8

A thuthlung chu kumkhuoin a hriet hlak a, Suon sâng khat chena a thu lo pêk chu;

INPÂKNA HLABU 105:9

Abraham kuoma a thuthlung le, Isak kuoma a înkhâmna chu.

INPÂKNA HLABU 32:8

I fena ding lampui chu inchûk- tirin, kâwkhmûng ka ti cheh a, Ka mita en zing pum chein rem ruotpêk ka ti che.

INPÂKNA HLABU 39:12

Aw LALPA, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni sih a.

FESUOKNA 2:24

Pathienin an inrûm chu a hriet a, Abraham, Isak le Jakob kuoma a thuthlung chu Pathienin a hriet zing a.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a tih a.

FESUOKNA 6:4

Khuolchâm anga an umna ram, Kanaan ram chu anni pe dingin an kuomah thuthlung ka siem bawk a.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

FESUOKNA 6:8

Abraham, Isak le Jakob kuoma pe dinga ka bân ka pharna hlak rama chun ṭhuoi lût ka ti cheu a; chu ram chu ro dingin pêng ka ti cheu: LALPA ka ni hi,’” tiin.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 43:5

Ṭi naw ro, in kuomah ka um sih a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lungin- sietna sukpuitling i tih.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk nawh a, A hril ta chu a thaw naw ding am a nih? A lo hril ta chu a sukpuitling naw ding am a nih?

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma LALPAIN a pêk ram chu va hluo ro,’ tiin.

DÂN PAHNINA 34:4

Chun, LALPAIN a kuomah, “Hi ram hi a nih, Abraham hai, Isak hai, Jakob hai kuoma, ‘In thlahai la pêng ka tih,’ tia inkhâma ka lo tiem kha; a hmu chu kân hmutir phawt che a na; nisienlakhawm, chutaka chun fe naw ti ni,” a ta.

PHILIPPI 4:9

Keimaa thil in inchûka in pawmhai dâm, in hmua in hriethai dâm, khâng thil kha thaw hlak ro. Chuongchun, Lungmuongna Pathien chun umpui a ti cheu.

HEBRAIHAI 11:9

Ringnain ram tiema khan mi rama châm ang elin a lo châm ta zing a, thutiem hmunkhat, ro a ihluopui ding Isak le Jakob hai angin puon inahai a lo um a;

HEBRAIHAI 6:17

Chuongchun, Pathienin thu- tiem rohluo dinghai kuoma chun a rêl danglam thei nawzie, nasa nâwk zuola inentir nuomin inkhâmin a sukdet a;