INṬANNA 26:25 - Pathien Lekhabu Inthieng (BSI)

²⁵ Chuongchun, chutaka chun mâichâm a siem a, LALPA hming a lam a, chutaka chun a puon in a zar bawk a. Chun, Isak siehlawhai chun chutaka chun tuisunsuo an cho nâwk a.

INṬANNA 26:25 ပူးပေါင်းရင်းမြစ်များ

INṬANNA 13:18

Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun LALPA ta dingin mâichâm a siem a.

INṬANNA 13:4

a tîra a mâichâm siemna ngeia khan; chun, chutaka chun Abram chun LALPA hming a lam a.

INṬANNA 22:9

Chun, Pathienin a hril hmun chu an va tlung a; Abraham chun chutaka chun mâichâm a siem a, thing chu a sep khâwm a, a naupa Isak chu a khuop a, mâichâma thing chunga chun ân zâltir a.

INṬANNA 26:32

Chu ni le le chun Isak sie- hlawhai chu an hung a, an tuisunsuo cho chanchin an hung hril a, a kuomah, “Tui kan hmu tah,” an tih a.

INṬANNA 33:20

Chutaka chun mâichâm a siem a, a hmingah El-elohe-Israel ân bûk a.

INṬANNA 35:1

Chun, Pathienin Jakob kuoma chun, “Tho la, Bethelah hang fe la, chutaka chun um rawh: i u Esaua inthawka i tlân hmang laia i kuoma inlâr Pathien ta ding khan chutaka chun mâichâm siem rawh,” a tih a.

INṬANNA 4:26

Chun, ama, Seth ngei khawm chun naupasal a nei tah a; a hmingah Enos a sak a; chuong lai chun mihai chun LALPA hming chu an hung lam ṭan tah a.

INṬANNA 8:20

Chun, Noa chun LALPA ta dingin mâichâm a siem a; chun, sa thieng tinrêng laia mi le, vate thieng tinrêng laia mi a lâk a, mâichâma chun pumrawhmang thilinhlânhai ân hlân tah a.

INPÂKNA HLABU 116:17

Lâwmthuhril inthawinahai chu inhlân ka ti cheh a, LALPA hming chu ko ka tih.

FESUOKNA 17:15

Chun, Mosie chun mâichâm a siem a, a hminga chun “Jehova- Nissi” ân bûk a;