INṬANNA 26:12 - Pathien Lekhabu Inthieng (BSI)

¹² Chun, Isak chun chu rama chun bu a chîng a, chu kum chun a let za a hmuh a. LALPAIN ama chu mal a sâwm a,

INṬANNA 26:12 ပူးပေါင်းရင်းမြစ်များ

INṬANNA 24:1

Chun, Abraham chu a hung upa a, a hung tar ta hleh a; chun, LALPAIN Abraham chu thil iengkimah mal a sâwm tah a.

INṬANNA 24:35

LALPA chun ka pu chu nasatakin mal a sâwm a, mi lientak a hung nih a. LALPA chun ama chu berâm ruol dâm, bâwng ruol dâm, tangka dâm, rângkachak dâm, suok- pa dâm, suoknu dâm, sanghâwng- seihai dâm, sabengtung dâm, a pêk bawk a.

INṬANNA 25:11

Abraham thi hnung chun Pathienin a naupa Isak chu mal a sâwm a; chu Isak chu Beer-lahai-roi kâwla chun a um a.

INṬANNA 26:29

i pawi iengkhawm kan tâwk nawh a, thil ṭha bak naw chu i chunga hrim iengkhawm kan thaw nawh a, tlangtaka kan infetir el che ang khan, nang khawma kan sietna ding hrim i thaw nawna dingin: tuhin nang chu LALPA malsâwmna dawngtu i ni ta hi,” an tih a.

INṬANNA 26:3

Hi rama hin um hri phawt la, chuongchun, i kuomah um ka ta, mal ka sâwm ding che a nih: hieng ram po po hi i kuoma le i thlahai kuomah pein i pa Abraham kuoma kân khâmna kha ka sukdet ding a nih.

INṬANNA 30:30

Ka hung hma chun tlâwmte bak i nei a, tuhin chu tamtak an hung ni ta hi; ka nghatna tieng tieng LALPA chun mal a sâwmpêk pei che a nih: amiruokchu, iengtik am keia sûngkaw ta dingin suksuok vêng ka tih a?” a tih a.

JOB LEKHABU (THE BOOK OF JOB) 42:12

Chuongchun, LALPA chun Job chu a hun tâwp tieng chun a hun hmasa tieng nêk hmanin mal a sâwm tah a: berâm chu sîng khat le sâng li a nei a, sanghâwngsei sâng ruk leh, bâwngchal tuok sâng khat leh, sabengtungpui sâng khat a nei tah a.

INPÂKNA HLABU 67:6

Hnuoi hin a thil ṭo chu a pêk a, Pathien, eini Pathien ngei chun mal mi sâwm a ta.

INPÂKNA HLABU 72:16

Hnuoiah, tlâng chungahai hin bu tamtak um a ta, A vui chu Lebanon angin inhnîng suou suou a ta, Khuoa mihai chu hnuoi hlobet angin inno hlut hlut an tih.

THUVARHAI 10:22

LALPA malsâwmna chun a siem hausa a, Chutaka chun lungngaina a belsa nawh.

THUHRILTU 11:6

Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si nawh a.

ZEKARIA 8:12

Inremna chi chu a um ta ding a ni sih a; grêphrui chun a ra insuong a ta, leihnuoi khawm chun a hlâwkna chu insuo bawk a ta, vânhai khawm chun daidaw chu hung pêng an ta; hi chi hlaa umhai hi chuong thilhai po po chu inhluotir ka tih.

MATTHAI 13:23

Chun, leihnuoi ṭha chunga the chu, thu chu naa hre a, a ngaina hre bawk hi a nih. Chu chu a ra ngei a, ṭhenkhat a lêt za dâm, ṭhenkhat a lêt sâwmruk dâmin, ṭhenkhat a lêt sâwmthum dâmin a pung hlak,” a ta.

MATTHAI 13:8

A ṭhen hnuoi ṭhaah a tlah a, ṭhenkhat a lêt za dâm, ṭhenkhat a lêt sâwmruk dâm, ṭhenkhat a lêt sâwm- thum dâmin a hung ra tah a.

MARKA 4:8

Chun, a ṭhen hnuoiṭhaah a tlah a, a mâwng a, ân ṭhang lien a, a ra tah a; sâwmthum dâm, sâwmruk dâm, za dâmin a pung tâwl tah a,” a ta.

1 KORINTH 3:6

Keiin ka phun a, Appoloin tuiin a châwm a, nisienlakhawm, Pathienin ân ṭhangtir a nih.