INṬANNA 25:8 - Pathien Lekhabu Inthieng (BSI)

⁸ Abraham chun a thlarau ân thla tah a, a lua kêlsam ṭo hiela tartakin, tarkûna damin a thi tah a, a chipuihai kuoma ṭhuoiin a um ve tah a.

INṬANNA 25:8 ပူးပေါင်းရင်းမြစ်များ

INṬANNA 15:15

Nang ruok chu i thlatuhai kuom- ah thlamuongtakin fêng i ta, i lua kêlsam ṭo vawngin phûm an ti che.

INṬANNA 25:17

Chun, Ismael dam sûng kum chu hi hi a nih, kum za le sâwmthum pasari hi: chun, a thlarau ân thlah a, a thi tah a, a chipuihai kuoma ṭhuoiin a um ve tah a.

INṬANNA 25:7

Abraham dam sûng chu kum za khat le sâwmsari le panga a nih.

INṬANNA 35:18

Chun, a thlarau a suok ding lai chun (a thi ta sih a) a hminga chun Ben-oni a sak a; a pa ruok chun Benjamin a sak a.

INṬANNA 37:35

A naupasalhai po po le a nau- nuhmeihai po po chu ama thlamuon dingin an tho a; nisienlakhawm, ama chun thlamuon a nuom nawh a, “Ni lo, lusûn pumin thlânah ka naupa kuomah ka fe ding a nih,” a tih a. Chuongchun, a pa chu ama ngaiin a ṭap hlak a.

INṬANNA 49:29

Chun, anni chu thuro a sieh a, an kuomah, “Ka chipuihai kuomah ṭhuoiin ka um ve ding a ni tah. Hit mi Ephron loa pûka khan ka thlatuhai lai mi phûm ve ro,

INṬANNA 49:33

Chun, Jakob chun a naupa- salhai kuoma thuro a sie zo chun, a kehai chu khumah a hlângkai a, a thlarau ân thla tah a, a chipuihai kuoma chun ṭhuoiin a um ve tah a.

INṬANNA 50:13

a naupasalhai chun Kanaan ramah an zâwn lût a, Abrahamin inphûmna hmun ro dinga, Hit mi Ephrona inthawka a lo puma a închâwk, Mamre zâwna Makpela loa pûka khan an phûm tah a.

1 CHANCHIN SUINA 23:1

David chu a hung tar tah a, a hung upa ta hle a, a naupa Solomon chu Israel chunga lal dingin a siem tah a.

1 CHANCHIN SUINA 29:28

Ama chu upatakin, tarkûnin, hausatak le inzaumtakin a thi tah a; chuongchun, a naupa Solomon chun ama aia chun ro a rêl tah a.

2 CHANCHIN SUINA 24:15

Nisienlakhawm, Jehoiada chu a hung upa a, a hung tar tah a, a thi tah a; a thi chun kum za le sâwmthum mi a nih.

JOB LEKHABU (THE BOOK OF JOB) 41:32

A hnunga chun a fêna lampui chu a sukhuom vâr a, Li inthûk chu mi chun hmul vâr amani a sâwn rau khawpin.

JOB LEKHABU (THE BOOK OF JOB) 42:17

Chuongchun, nihai chu tling zetin le hung tarin Job chu a thi tah a.

JOB LEKHABU (THE BOOK OF JOB) 5:26

Kum tling zetin thlâna chun fêng i ta; Buvûi kuong chu a hun taka hrizâwla a hung um angin.

THUVARHAI 20:29

Tlangvâlhai ropuina chu an hrâtna hi a na, Mi upahai mawina chu an lu inṭuok hi a nih.

JEREMIA 6:11

Chuleiin, LALPA lunginsenna chun ka sip a; insûm zing chu ka nghawk a nih; kawtthlêra chun nau- panghai laia chun bunthla la, tlang- vâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

NAMBAR 20:24

Meriba tuia dâm khan ka thu kalin in hel lei khan Israel thlahai ka pêk rama chun a lût naw ding a nih.

NAMBAR 27:13

Chun, i hang hmu zo chun i unaupa Aron chu a chipuihai kuomah ṭhuoi a ni ang bawkin nang khawm ṭhuoi ni tâng i tih.

THILTHAWHAI 12:23

Ama chun Pathien kuomah chawimawina chu a pêk naw leiin Lalpa vântirkoin kârloah a man a, rulrukûtin a fâk a, a thi tah a.

THILTHAWHAI 13:36

David chu, Pathien rorêlpêk angin a dam ruolpuihai rawng a bâwl zo khan, a in innghil a, a thlatuhai kuomah an inzâl a, a hmawn hmang tah a nih.

THILTHAWHAI 5:10

Chun, kârloin a ke bula chun a tlu nghâl tah a, a thi ve tah a; chun, tlangvâlhai chu an hung lût a, ama chu a thisain an hung hmuh a, an zâwn dawk a, a pasal kâwla chun an phûm tah a.

THILTHAWHAI 5:5

Chun, Anania chun chuong thu chu a hriet phingleh a tluh a, a thi tah a; chun, a hre taphawt chun an ṭi ta bêk bêk a.

DÂN PAHNINA 32:50

Chuongchun, i unaupa Aron Hor tlângah a thih a, a chihai kuoma ṭhuoi a ni ta ang bawk khan i hang lâwnna tlânga chun thîng i ta; i chihai kuoma ṭhuoi nîng i tih;

RORELTUHAI 2:10

Chu ṭhanga mihai po po khawm chu an thlatuhai kuomah an fe zo tâwl tah a, chun chuong mihai hnunga chun LALPA le Israelhai ta dinga a thilthawhai khawm hre lo suon dang an hung um tah a.

RORELTUHAI 8:32

Joas naupa Gideon chu tar kûna damin a thih a, Abiezrithai ta Ophra a pa Joas thlâna chun an phûm tah a.