INṬANNA 24:65 - Pathien Lekhabu Inthieng (BSI)

⁶⁵ Abraham siehlaw kuoma chun, “Phûla a mi tuok dinga hung saw tu am a na?” a tih a. Siehlaw chun, “Ka pu a ni saw,” a ta: chuong- chun, ân khumna puon a lâk a, ân khum tah a.

INṬANNA 24:65 ပူးပေါင်းရင်းမြစ်များ

INṬANNA 20:16

Chun, Sara kuoma chun, “En ta, i ṭapa kuoma hin tangka sâng khat ka pêk tah a, ngai ta, i kuoma um po pohaia inthawka mit inkhumna ding a ni hi: i chungthu hrim hrima hin i fel nâwk vawng tah a nih,” a tih a.

INṬANNA 24:64

Chun, Rebeka chu a hang nghah a, Isak chu a hmu phingleh sanghâwngsei chunga inthawk chun a ṭum tah a.

INṬANNA 24:66

Chun, siehlaw chun a thilthaw po po chu Isak a hril a.

INṬANNA 38:14

Ama chun a pasal sûnna silfênhai chu a hlîp a, inkhumna puonin ân khum a, ân tuom tlat a, Timna lampuia Enaim kul kawt- khâra chun a lo ṭhung a: Selah chu a puitling ta sih a, a pa chun a nuhmei dingin ân neitir naw zo a ni tah ti a hriet sih a.

ISAI 3:23

hlimen dâm, puon zai inhmi dâm, lukâwm dâm, intuommawina puon dâm chu.

ISAI 47:2

Bu râwtnawina lunghai la la, beiphit siem rawh: în khumna puon kha sie la, i fenfuol kha hlîp la, i ke kha hâwk la, vadunghai pal kai rawh.

1 KORINTH 11:10

Vântirkohai leiin, nuhmei chu a pasal thuhnuoia um a nih ti inchikna dingin a lu ân khum ding a nih.

1 TIMOTHE 2:9

Chuong ang bawkin, nuhmeihai khawm silfên mâwl tak leh, inchei taluo loin, thuom inchawi tâwkin inthuom hai sienla, sam phierin amanih, rângkachakin amanih, lung- hluin amanih, puon man tamtakhaiin amanih inchei loin.