LALPA chun ka pu chu nasatakin mal a sâwm a, mi lientak a hung nih a. LALPA chun ama chu berâm ruol dâm, bâwng ruol dâm, tangka dâm, rângkachak dâm, suok- pa dâm, suoknu dâm, sanghâwng- seihai dâm, sabengtung dâm, a pêk bawk a.
Abraham chun naupasal Isak a nei a, Isak chu Paddan-aram rama Suria mi Bethuel naunu, Suria mi Laban farnu Rebeka chu nuhmeia a nei lai chun kum sâwmli mi a nih a.
I pa Pathien nangma ṭhangpuitu dinga, Iengkimthawthei, Chungtienga vân malsâwmnahai, Hnuoitienga bawk zing tui inthûktak malsâwmnahai, Nene le sul malsâwmnaa Nang malsâwmtu ding ngei sukhrâtin a um a.
Tûn lal David chu a kumhai a hung tam a, a hung tar ta hleh a, chuongchun, puonhaiin ama chu an inkhum hlak a, nisienlakhawm, a lum thei chuong nawh a.
Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.