INṬANNA 23:2 - Pathien Lekhabu Inthieng (BSI)

² Sara chu Kanaan rama Kiriath-arbaa chun a thih a (chu chu Hebron khuo a nih): chun Abraham chu Sara chunga ṭap ding le sûn dingin a hung a.

INṬANNA 23:2 ပူးပေါင်းရင်းမြစ်များ

INṬANNA 13:18

Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun LALPA ta dingin mâichâm a siem a.

INṬANNA 23:1

Sara dam sûng chu kum za le sâwmhni le pasari a nih: chu chu Sara dam sûng kum chu a nih.

INṬANNA 23:19

Chu hnunga chun Abraham chun a nuhmei Sara chu Kanaan rama Mamre (chu chu, Hebron) zâwna Makpelaa loa pûka chun a phûm tah a.

INṬANNA 24:67

Isak chun Rebeka chu a nu Sara puon ina chun a ṭhuoi lût a; chun, Rebeka chu a nei a, a nuhmei a hung ni tah a; chun, ama chu a hmangai hleh a, chuongchun, Isak chu a nu thi thua khawm chun a hung thlamuong thei tah a.

INṬANNA 27:41

Chun, a pain mal a sâwmna lei chun Esau chun Jakob chu a theida tah a. Esau chun a lungrilin, “Ka pa sûn ni ding chu a hnai tah a, chu pha chun ka sang Jakob chu that el ka tih,” a tih a.

INṬANNA 35:27

Chun, Jakob chu Abraham le Isak khuolchâmna hmun Kiriath- arba (Hebron an ti bawk) Mamrea a pa Isak kuom chu a tlung tah a.

INṬANNA 37:14

A pa chun a kuomah, “I uhai an dam am, ran ruol khawm an dam am va en la, an chanchin mi hung hril nâwk rawh aw,” a tih a. Chuongchun, Hebron ruoma inthawk chun a tir suok a; ama chun Sekem chu a va tlung tah a.

INṬANNA 50:1

Chun, Josef chun a pa hmai a sik a, a ṭah a, a fâwp a fâwp a.

INṬANNA 50:10

Chun, Jordan râla Atad hrizâwl chu an tlung a, chutaka chun nasatakin an ṭah a, ni sari a pa sûnna a siem a.

2 SAMUEL 1:12

chuongchu, Saula le a naupa Jonathan le LALPA mihai le Israel sûnghai chun an sûn a, an ṭah a, zântieng chenin bu an nghei a, kâwlhnâma sukhlum an ni tâk leiin.

2 SAMUEL 1:17

Chuongchun, David chun Saula le a naupa Jonathan chu hi ṭaphla hin a ṭah a,

2 SAMUEL 2:11

Davidin Hebrona Juda chihai chunga ro a rêlna chu kum sari le thla ruk a ni tah a.

2 SAMUEL 5:3

Chuongchun, Israel upahai po po chu Hebrona chun lal kuomah an va feh a; chun, lal David chun Hebrona chun LALPA hmaah an kuomah thu a thlung a, chun, David chu Israelhai chunga lal dingin hriek an nâl a.

2 SAMUEL 5:5

Hebrona chun Judahai chungah kum sari le thla ruk ân lal a; chun, Jerusalemah Israelhai le Judahai po po chungah kum sâwmthum le kum thum ân lal a.

1 CHANCHIN SUINA 6:57

Aron naupasalhai kuoma chun himna khawpui Hebron chu a pêk a; Libna chu a vêl khuohai leh, Jattir le Estemoa, a vêl khuohai leh,

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

NEHEMIA 11:25

Chun, an khuo le an ram thua chun, Juda thlaa mi ṭhenkhathai chu, Kiriath-arba le a khawpera dâm, Dibon le a khawpera dâm, Zekabzeel le a khawpera dâm;

JEREMIA 22:10

Mithi ta dingin ṭap naw unla, ama chu sûn bawk naw ro; ami- ruokchu, mi a fe hmang ta ding chun nasatakin ṭap unla; ama chu a hung kîr ta naw ding lei le, a piengna ram chu a hmu ta naw ding leiin.

JEREMIA 22:18

Chuleiin, Juda lal Josia naupa Jehoiakim chungthua chun LALPAIN hieng hin a tih: Ama chu “Aw ka unaupa,” tiin amanih, “Aw farnu,” tiin amanih, sûn naw ni hai a; “Aw lalpa,” tiin amanih, “Aw a ropuina chu,” tiin amanih, sûn bawk naw ni hai.

NAMBAR 13:22

Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngir hma kum saria inngir tah a nih).

NAMBAR 20:29

Chun, mipui po poin Aron a thi ti an hriet chun Israel mihai po po chun ni sâwmthum an sûn a.

JOHAN 11:31

In sûnga a thlamuongtu a umpui Judahai chun, Mari a tho vaka, a suok an hmu phingleh, thlâna ṭap dingin a fe amanih an ta, an zui a.

JOHAN 11:35

Isu a ṭap tah a.

THILTHAWHAI 8:2

Chun, Pathien ngaisak tuhaiin amanih Stephan chu an phûm a, nasatakin an ṭap a.

DÂN PAHNINA 34:8

Israel thlahai chun Mosie chu Moab phaia chun ni sâwmthum an ṭah a; chuongchun, Mosie sûna ṭap nihai chu a hung tâwp tah a.

JOSUA 10:39

chuongchun, chu khuo le a lal le a khawpuihai po po chu an lâk a, chun, kâwlhnâmin an thawh a, a sûnga mi um po pohai chu an sukhlum fai rêt a, pakhat khawm hlâ hrim hrim an nei nawh; Hebron chunga thaw ang khan Debir le a lal chunga khawm an thawh a, Libna khuo le a lal chunga an thaw ang bawk khan.

JOSUA 15:13

Jephunne naupa Kaleb chu LALPAIN Josua thu a pêk angin Juda thlahai laia chun chanpuol a siempêk veh a; chu chu Kiriath-arba a nih; (chu chu Hebron an ti bawk a). Arba chu Anak pa a nih.

JOSUA 15:54

Humta, Kiriath-arba (chu chu Hebron a nih) le Zior; khawpuihai chu a khaw chînhai leh pakuo a nih.

JOSUA 20:7

Chuongchun, Naphtali tlâng rama Galilia Kades, Ephraim tlâng rama Sekem le Juda tlâng rama Kiriath-arba (chu chu Hebron a nih) chu an ruot tah a.

JOSUA 21:11

Chun, Juda tlâng rama Kiriath- arba (chu chu Hebron) le a khaw kâwlvêlhai chu an pêk a. Arba chu Anak pa a nih.

RORELTUHAI 1:10

Chun, Juda chun Kanaan mihai Hebrona umhai chu a va thawh a (a hma chun Hebron hming chu Kiriath- arba a nih), chuongchun, Sesai, Ahiman le Talmai chu an that a.

1 SAMUEL 20:31

Jesai naupa hi, hi hnuoia a um sûng phawt chun sukdet ni naw ti nih a, i ram khawm. Chuleiin, inkotir nghâl la, ka kuomah hung inṭhuoitir rawh, a thi ngei ding a nih,” a ta.

1 SAMUEL 25:1

Chun, Samuel chu a thi tah a; chun, Israel mihai po po chu an inko khâwm a, an ṭah a; Rama khuoa a ina chun an phûm tah a. Chun, David chu a tho a, Paran thlalêrah a zu feh a.

1 SAMUEL 28:3

Samuel chu a thi tah a, Israel mihai po poin an ṭah a, ama khuo ngei Rama khuoa chun an phûm tah a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng tah a.