INṬANNA 22:9 - Pathien Lekhabu Inthieng (BSI)

⁹ Chun, Pathienin a hril hmun chu an va tlung a; Abraham chun chutaka chun mâichâm a siem a, thing chu a sep khâwm a, a naupa Isak chu a khuop a, mâichâma thing chunga chun ân zâltir a.

INṬANNA 22:9 ပူးပေါင်းရင်းမြစ်များ

INṬANNA 12:7

Chun, LALPA chu Abram kuomah ân lâr a, “Hi ram hi i thlahai kuomah la pêng ka tih,” a tih a; chuongchun, chutaka chun a kuoma inlâr LALPA ta ding chun mâichâm a siem a.

INṬANNA 12:8

Chutaka inthawk chun Bethel saktienga tlânga chun ân tâwl a, chutaka chun puon in a zar a, a thlangtieng chun Bethel chu a um a, a sak tieng chun Ai khuo a um a; chutaka chun LALPA ta dingin mâichâm a siem nâwk a, LALPA hming chu a lam a.

INṬANNA 13:18

Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun LALPA ta dingin mâichâm a siem a.

INṬANNA 22:10

Chun, Abrahamin a kutin a ban a, a naupa sukhlumna dingin chemte chu a lâk a.

INṬANNA 22:8

Abraham chun, “Ka naupa, Pathienin ama ta dinga pumraw- hmang inthawina ding berâmte chu ngaituo fâwm el a tih,” a tih a: chuong- chun, an pahni chun an fe pei tah a.

INṬANNA 8:20

Chun, Noa chun LALPA ta dingin mâichâm a siem a; chun, sa thieng tinrêng laia mi le, vate thieng tinrêng laia mi a lâk a, mâichâma chun pumrawhmang thilinhlânhai ân hlân tah a.

1 LALHAI 18:33

Chun, thing chu a hang sep fel a, bâwngchal chu a chan nâwi a, thing chunga chun a sieh a. Chun, “Bêl pali tuiin suksip unla, pumrawhmang thil inhlân le thing hi hung buokkhum ro,” a ta.

INPÂKNA HLABU 118:27

LALPA chu Pathien a nih, ama chun var a mi pêk a, Inthâwina ding chu hruihruolin thlung ro, mâichâm kihai ngeia chun.

MATTHAI 27:2

chun, an khuop a, an ṭhuoi a, Bawrsâp Pilat kuomah an pêk tah a.

MARKA 15:1

Chun, zîngkâr a hung ni phingleh thiempuhai chu upa- hai le Dân inchûktirtuhai le rorêltuhai po po leh an inrâwn a, Isu chu an phier a, an ṭhuoi a, Pilat kuomah an pêk nghâl tah a.

THILTHAWHAI 8:32

Pathien Lekha a tiem lai chu hi hi a nih:- “That dingin berâm angin ama chu an ṭhuoi a; Berâmtê a hmul vâwtu hmaa a to zing angin, Ama khawmin a bau a ka nawh;

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok tah a; (“Thinga khaikâng taphawt chu ṭawngsephur an nih,” ti ziek a ni sih a).

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.

JAKOB 2:21

Ei thlatu Abraham chun a naupa Isak mâichâm chunga ân hlân lai khan thilthaw leiin thiem a chang a ni naw am a nih?

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.