INṬANNA 22:2 - Pathien Lekhabu Inthieng (BSI)

² Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti cheh a, pumrawhmang inhlânah inhlân rawh,” a tih a.

INṬANNA 22:2 ပူးပေါင်းရင်းမြစ်များ

INṬANNA 17:19

Pathien chun, “Ni lo e, i nuhmei Sarain naupasal neipêk lem a ti che: a hmingah Isak i sak ding a nih: chun ka thuthlung chu ama hnunga a thlahai ta dinga kumkhaw thuthlung dingin a kuoma chun sukdet ka tih.

INṬANNA 21:12

Nisienlakhawm, Pathienin Abraham kuoma chun, “Naupang le i suoknu chungchâng thu lei hin beidawng naw rawh: Sarain i kuoma thu a hril po po chu zâwm rawh, Isaka hin i thlahai an la ti ding a ni sih a.

INṬANNA 21:3

Abraham chun a naupasal nei, Sarain a neipêk chu a hmingah Isak a sak a.

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

INṬANNA 22:16

“LALPA chun, ‘Mâni le mâni insâlin kân khâm a nih: Hi thil hi i thaw ta lei le, i naupa, i nei sun khawm chu în ro naw leiin

INṬANNA 22:3

Chun, Abraham chu zîngkâr inhmatakin a tho a, a sabengtung a siem a, a kuomah a siehlaw tlangvâl pahni a ṭhuoi a, a naupa Isak le chun; chun, pumrawhmanga inthawina ding chun thing a chêk a, a tho a, Pathienin a hrilna hmun tieng chun a fe tah a.

INṬANNA 22:9

Chun, Pathienin a hril hmun chu an va tlung a; Abraham chun chutaka chun mâichâm a siem a, thing chu a sep khâwm a, a naupa Isak chu a khuop a, mâichâma thing chunga chun ân zâltir a.

INṬANNA 8:20

Chun, Noa chun LALPA ta dingin mâichâm a siem a; chun, sa thieng tinrêng laia mi le, vate thieng tinrêng laia mi a lâk a, mâichâma chun pumrawhmang thilinhlânhai ân hlân tah a.

2 LALHAI 3:27

Chun, a naupasal upatak ama aia rorêl ding chu a lâk a, kul chunga chun pumrawhmang thilinhlân ding- in ân hlân tah a. Israel mihai chunga chun lunginsenna nasatak chu a um tah a, chuongchun, ama chu an mâksan a, an rama chun an kîr nâwk tah a.

2 CHANCHIN SUINA 3:1

Chun, Solomon chun Moria tlânga a pa David kuoma LALPA chu ân lâr a, Davidin a lo buotsaina hmun, Jebus mi Ornan hrizâwla a lo thlangna hmun Jerusalema chun LALPA in bâwl chu a ṭan tah a.

MIKA 6:7

LALPA chu berâmchal sâng tamtak amanih, hriek vadung sîng- haia dâm chun a lungawi ding am a nih? Ka bawsietna leiin ka nau lutîr chu ka pêkin, ka thlarau suolna leiin ka taksa ra chu ka pêk ding am a nih?

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla loa, ei rênga aia petu chun, thil dang po po khawm a thlâwnin a mi pêk sa naw ding am a nih?

HEBRAIHAI 11:17

Ringnain Abraham chu fiea a um khan Isak ân hlân a; anih, thutiemhai lâwmtaka changtu chun, a naupa khât nei sun chu ân hlân a,

RORELTUHAI 11:31

Ammon mihai kuoma inthawka râlmuonga ka in ka kîr nâwk pha chun iengkhawm ka kawtkhâra mi hung tuok hmasatak phawt chu, LALPA ta ding nîng a ta, pumraw- hmang thilinhlân dingin hmang ngei ngei ka tih,” tiin.

RORELTUHAI 11:39

Thla hni hnunga chun a pa kuomah a hung kîr nâwk a, ama chun ṭawng a lo inkhâm ta ang khan, a chungah a thawh a, pasal tukhawma an pâwl nawh.