INṬANNA 20:3 - Pathien Lekhabu Inthieng (BSI)

³ Nisienlakhawm, Pathien chu Abimelek kuomah zânah a mangah a hung a, a kuomah, “Ngai ta, i nuhmei ṭhuoi lei hin mi thi el i ni tah; mi nuhmei a ni sih a,” a ta.

INṬANNA 20:3 ပူးပေါင်းရင်းမြစ်များ

INṬANNA 12:17

Nisienlakhawm, LALPA chun Abram nuhmei Sarai lei chun Pharao le a sûnghai chu namênin a sawisa ta nawh a.

INṬANNA 12:18

Chuongchun, Pharao chun Abram chu a ko a, “Ka chunga i thilthaw hi iengtizie am a ni ta leh? I nuhmei a nih ti iengdinga i mi hril naw am a na?

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwl- nei a ni sih a, ṭawngṭaipêk a ti cheh a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a tih a.

INṬANNA 28:12

Chun, mang a nei a, hnuoi chunga hin leilâk a lo indawh a, a tâwp chun vân a sun a; a chunga chun Pathien vântirkohai ṭum le kaiin a hmuh a.

INṬANNA 31:24

Chun, Aram mi Laban kuoma chun zânah a mangah Pathien a hung a, a kuomah, “Jakob kuomah a sie a ṭha, a iengkhawm hril lo dingin fîmkhur rawh,” a tih a.

INṬANNA 37:5

Chun, Josef chun mang a nei a, a uhai kuoma a hril chun ama chu an theida zuol tah a.

INṬANNA 37:9

Chun, mang dang a nei nâwk a, a uhai chu a hril nâwk a, “Ngai ta u, mang ka nei nâwk a, nisa, thla le arasi sâwmpakhat khin chibai an mi lo bûk chu tie,” a tih a.

INṬANNA 40:5

Chun, intângna ina khuopa um, Aigupta lal uoin petu le bei siemtu chun, an pahniin zân khatah mang umze tum ve ve an nei a.

INṬANNA 40:8

Anni chun a kuomah, “Mang kan nei a, a mi hrilfie thei tukhawm an um si nawha a nih,” an tih a. Josef chun an kuomah, “Mang hrilfienahai chu Pathien ta a ni naw am a nih? Lunginsiettakin mi hang hril ta u,” a tih a.

INṬANNA 46:2

Chun, Pathienin zâna a mang- haia chun Israel chu a biek a, “Jakob, Jakob,” a tih a. Ama chun, “Hitaka hi ka um,” a tih a.

1 CHANCHIN SUINA 16:21

Tu inêksâwr khawm a phal nawh a. Anih, anni leiin lalhai khawm a kâwk a;

JOB LEKHABU (THE BOOK OF JOB) 33:15

Mangah, zâna mitthlaa thilhmua, Îmu indêntakin mihai chu a hung zêl phah a, Khum chunga îmu inhniktaka a in lai chun a hril a.

JOB LEKHABU (THE BOOK OF JOB) 33:17

Mihriem chu a thiltuma inthawka a lâk hmang theina ding le, Mihriema inthawka chapona chu a thup theina dingin;

INPÂKNA HLABU 105:14

Tu inêksâwr khawm a phal nawh a, Anih, anni leiin lalhai khawm a kâwk a,

JONA 3:4

Jona chu ni khat lam chen khaw- puia chun a hang lût ṭan phawt a, “Tuta inthawka ni sâwmliah Ninevi hi sukbohmang a ni ding a nih,” tiin a khêk tah a.

NAMBAR 22:9

Balaam kuoma chun Pathien a hung a, “I kuoma mihai hi tuhai am an na?” a ta.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.