INṬANNA 2:8 - Pathien Lekhabu Inthieng (BSI)

⁸ Chun, LALPA Pathienin sak- tieng Edena chun huon a siem a; a mihriem siem chu chutaka chun ân umtir a.

INṬANNA 2:8 ပူးပေါင်းရင်းမြစ်များ

INṬANNA 13:10

Chuongchun, Lota chu a dâk suok a, Zoar pan zâwng chun, Jordan phaizâwl po po chu LALPA huon ang, Aigupta ram ang khan ram tina tui um furna hmun a nih ti a hriet a, LALPAIN Sodom le Gomorra a suksiet hma kha a ni sih a.

INṬANNA 3:23

chuleiin, LALPA Pathienin ama a lâksuokna hnuoi chu inlet dingin Eden huona inthawk chun a tir suok tah a.

INṬANNA 3:24

Chuongchun, mihriem chu a hnawt dawk tah a; chun, hringna thing lampui chu vêng dingin Eden huon saktieng panga chun Cherubhai le mei kâwlhnâm inlet tuo zawk zawk chu a sie ta bawk a.

INṬANNA 4:16

Chuongchun, Kaina chu LALPA kuoma inthawk chu a suok tah a. Eden sak tienga Nod ramah a um tah a.

2 LALHAI 19:12

Hnam tin pathienhai chun ka pi le puhaiin an sukbohmanghai kha an sanhim hlak am a nih? Gozan dâm, Haran dâm, Rezeph dâm, Eden nau hai Telassar khuoa umhai,

ISAI 51:3

LALPA chun Zion chu a thla- muon ta sih a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu LALPA huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

EZEKIEL 27:23

Haran le, Kanne le Eden, Seba sumdâwngtuhai chu, Assur le Kilmad leh i sumdâwngtuhai an nih.

EZEKIEL 28:13

Pathien huon Edena chun i lo um tah a; Lunghlu tinrênghai chu i în khumna a na, Hieng sardion dâm, topaz dâm, rubi lung dâm, onik dâm, jaspi dâm, Sapphir dâm, karbankle dâm, lunghlu dang dang le, Rângkachakhai, an inṭhutna le ziek kermawihai, Kut themthiema siemhai chu i sûnga chun an um a. Nang chu siema i um ni chun chuonghai chu buotsai an ni veh a.

EZEKIEL 31:16

Vânsama ṭum tahai laia, hrem- hmuna ka pei thlâk lai chun, a tlûkna ria chun hnamhai chu ka sukthin a; Eden thing po po Lebanona thing ṭhatak le ditumhai, tui lo dâwn tahai po po chu hnuoi khingtieng panga chun sukhlimin an um a.

EZEKIEL 31:18

“Edena thinghai laia hin ro- puina le mawinaah ieng le hin am in inang a? Hnuoi khingtieng panga chun Eden thinghai le chun nang chu sukhnuoi i la ni ding a nih; kâwl- hnâma thata lo um tah, sertan lohai laia chun i zâl ve ding a nih; Hi hi Pharao le a mipuihai chu an nih, Lalpa PATHIEN chun a tih,” tiin.

JOEL 2:3

An hmatieng chu meiin a kâng fai a, an hnungtieng meichawkin a hlieu bawk a; an hmaa ram chu Eden huon ang a nih; an hnungtieng chu thlalêr ram ṭâwl a nih, ieng- khawmin chuong chu an pumpel ta nawh.