INṬANNA 2:4 - Pathien Lekhabu Inthieng (BSI)

⁴ Hnuoi le vân siem an ni lai khan an thlahai chu hieng hi an nih, LALPA Pathienin hnuoi le vân a siem nia khan.

INṬANNA 2:4 ပူးပေါင်းရင်းမြစ်များ

INṬANNA 1:1

A tîrin Pathienin hnuoi le vân a siem a.

INṬANNA 1:28

Chun, Pathienin anni chu mal a sâwm a, Pathien ma chun an kuomah, “Chi tamtak thlain hung pung unla, hnuoi hi hluo sip unla, in thu thuin inumtir ro; tuisuorieta nga chunga dâm, chunglêng vate chunga dâm, thilhring hnuoi chunga bawkinvâka lâwn po po chunga dâm thu nei bawk ro,” a ta.

INṬANNA 1:3

Chun, Pathienin, “Var hung um raw se,” a ta; chuongchun, var a hung um tah a.

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu ni rukna.

INṬANNA 1:4

Chun, Pathienin var chu a en a, ṭha a ti hleh a: chuongchun, Pathien chun var le inthim chu a ṭhe tah a.

INṬANNA 10:1

Hieng hi Noa naupasal, Sem, Ham, le Japheth thlahai chu an nih; tuilêt hnunga naupasal an ineihai chu.

INṬANNA 11:10

Hienghai hi Sem thlahai chu an nih: Sem chu kum za mi a niin tui lêt hnung kum hni hnunga chun naupasal Arpaksad a nei a:

INṬANNA 2:3

Chuongchun, Pathienin ni sari ni chu mal a sâwm a, ân ser tah a: chu ni chun Pathienin a thilsiem po po, thu ngawta a siem le kuta a siemhai chu a châwlsan ta leiin.

INṬANNA 25:12

Hieng hi Abraham naupa Ismael, Sara suoknu Aigupta mi Hagarin Abraham a neipêk thlahai chu an nih.

INṬANNA 25:19

Chun, hieng hi Abraham naupa Isak thlahai chu an nih:

INṬANNA 36:1

Chun, hieng hi Esau thlahai chu an nih (Esau chu Edom a nih).

INṬANNA 36:9

Hieng hi Seir tlânga Edom mihai thlatu Esau thlahai chu an nih.

INṬANNA 5:1

Hi hi Adam thlahai chuongna lekhabu chu a nih. Pathienin thu ngawta mihriem a siem ni khan Pathien angpuiin ama chu a siem a;

1 LALHAI 18:39

Chun, mipuihai po poin chu chu an hei hmu chun an bawkkhup a, “LALPA hi a lo nih, Pathien chu, LALPA hi a lo nih, Pathien chu,” an ta.

2 CHANCHIN SUINA 20:6

A hril a, “Aw LALPA, kan thlatu- hai Pathien, nang chu vân Pathien i ni naw am a nih? Hnamhai lalram po pohai chunga rorêltu chu nang i ni naw am a nih? I kuta chun hrâtna le thilthawtheina a um a, chuleiin, tukhawma dang thei naw ni hai che.

JOB LEKHABU (THE BOOK OF JOB) 38:28

Ruo hin pa a nei am? Annawleh, daidaw malhai hi tuin am a hung thlâk a na?

JOB LEKHABU (THE BOOK OF JOB) 38:4

Hnuoi lungphûmhai ka phûm laiin nang chu khaw lai am i um a? Hriethiemna i nei chun mi hril rawh.

INPÂKNA HLABU 18:31

LALPA naw chu tu am Pathien a um a? Ei Pathien naw chu tu am lungpui a um a?

INPÂKNA HLABU 86:10

Nang chu i ropui a, thilmakhai i thaw bawk hlak sih a, Nangma chau hi Pathien i nih.

FESUOKNA 15:3

LALPA chu indo mi a nih; LALPA chu a hming a nih.

FESUOKNA 6:16

Levi naupasalhai hming chu an thlatuhai chanchin suina ang peiin hieng ang hi a nih: Gerson, Kohath le Merari hi; chun Levi dam sûng kumhai chu kum za khat le sawm- thum pasari a nih.

ISAI 44:6

LALPA Israelhai Lal, an intlantu sipaihai LALPA chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

THUPUONGSUO 1:4

Johan chun: Asia rama kohran pasarihai kuoma chun: Um zing le um ta le hung um ding kuoma inthawk dâm, a lalṭhungpha hmaa thlarau pasari umhai kuoma inthawk dâm,

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 11:17

“Aw Lalpa Pathien, Iengkim- thawthei, um zing le um tah, i thilthawtheina ropuitak chu laa ro i rêl leiin lâwmthu kan hril che.

THUPUONGSUO 16:5

Chun, tui vântirko chun, “Nang Mi Inthieng, hieng anga ro i rêl leiin, nang um zing le um tah, i fel ie.