INṬANNA 2:3 - Pathien Lekhabu Inthieng (BSI)

³ Chuongchun, Pathienin ni sari ni chu mal a sâwm a, ân ser tah a: chu ni chun Pathienin a thilsiem po po, thu ngawta a siem le kuta a siemhai chu a châwlsan ta leiin.

INṬANNA 2:3 ပူးပေါင်းရင်းမြစ်များ

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu ni rukna.

INṬANNA 2:2

Chun, Pathienin ni sari nia chun a thilsiem chu a thaw zo a; ni sari nia chun a thilsiem po po chu a châwlsan tah a.

INṬANNA 2:4

Hnuoi le vân siem an ni lai khan an thlahai chu hieng hi an nih, LALPA Pathienin hnuoi le vân a siem nia khan.

NEHEMIA 9:14

i châwlni inthieng chu anni în hriettir a, i siehlaw Mosie hmangin thupêk dâm, thuruot dâm, dân dâm i pêk a;

FESUOKNA 23:12

Ni ruk sûng chu i sin thâwng i ta, ni sari ni ruok chun i bâwngchal le i sabengtung khawm chu an sâwldam theina ding le, i ina pieng i siehlawnu naupa le hnam dang mi khawm chu an insukhar theina dingin i châwl ding a nih.

FESUOKNA 34:21

“Ni ruk sûng sin thâwng i ta, ni sari ni ruok chun châwl i tih; hnuoi inlet huna le busîk huna khawm châwl i tih.

THUVARHAI 10:22

LALPA malsâwmna chun a siem hausa a, Chutaka chun lungngaina a belsa nawh.

EZEKIEL 20:12

Chu nawa khawm, ka châwlni chu anni le keia kâra inchikna nih a, anni sukthiengtu LALPA chu ka nih ti an hriet theina dingin ka pêk bawk a.

LEVI DÂN 23:3

Ni ruk sûng sin thaw ding a na, ni sari ni ruok chu ursûntaka inser châwlna, inkhâwmpui inthieng a nih; ieng sin khawm in thaw ding a ni nawh a, in chêngna taphawta chun LALPA ta dinga châwlni a nih.

MARKA 2:27

Chun, ama bâwkin an kuoma chun, “Châwlni hi mihriem ta dinga siem a na, mihriem hi Châwlni ta dinga siem a ni nawh;

LUKA 23:56

Chun, in tieng an fe nâwk a, thil rim inhnik le hriek rim inhnikhai an buotsai a. Chun, Châwlni chun thupêk angin an châwl tah a.