INṬANNA 19:5 - Pathien Lekhabu Inthieng (BSI)

⁵ chun, Lota chu an ko a, a kuomah, “Vawizâna i kuoma mi hung lûthai kha khawlai am an um a? Anni kan pâwl theina dingin kan kuomah hung ṭhuoi suok rawh,” an tih a.

INṬANNA 19:5 ပူးပေါင်းရင်းမြစ်များ

INṬANNA 19:6

Lota chu kawtkhâr bulah an kuoma chun a va suok a, kawt chu a khâr nâwk a.

1 LALHAI 14:24

chu rama chun pasal mâni inzawrhai khawm an um a, Israel thlahai hmaah LALPAIN a hnawt- suok tah hnamhai thilthaw tir- dakum tinrêng ang chu an thaw veh a.

1 LALHAI 22:46

Chun, a pa Asa dam laia pasal inzawrhai a la umhai kha a rama inthawkin a hnawt suok vawng a.

ISAI 1:9

Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei sih a.

JEREMIA 3:3

Chuleiin, raw sûrhai chu chel- tâng an na, ruo nuhnung tieng chu a um ta naw a nih; amiruokchu, mi hur chal chu i nei a, inzak i tum dêr si nawh a.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, LALPA chun a tih.

EZEKIEL 16:49

Ngai ta, hi hi i zuorpui Sodom suolna chu a nih; ama le a naunuhaia chun chapona, bei ditkhawp, hausaka inhawitirna a um a, mi tlasamhai le mi rimsihai chu a ṭhangpui chuong nawh.

EZEKIEL 16:50

An chapo a, ka hmaa chun tirdakumna an thawh a, chuleiin, ṭha ka ti ang peiin anni chu ka lâk hmang tah a.

EZEKIEL 16:51

Samaria khawm chun i suol zâtve khawm a thaw nawh a, nang ruok chun anni nêkin i tirdakumna chu i sukpung nasa lem a, chuleiin, tirdakumna i thawhai po po chun i zuorpuihai chu felah în langtir tah a nih.

LEVI DÂN 18:22

Nuhmei angin pasal hrim hrim i pâwl ding a ni nawh, thil tirdakum a nih.

LEVI DÂN 20:13

Miin nuhmei a zâlpui anga pasal a zâlpui chun, thil tirdakum an thaw ve ve a na, sukhlum ngei ding an nih, an thisen maw chu an chunga um a nih.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

DÂN PAHNINA 23:17

“Israel naunuhmeihai lai naw- chizawr an um ding a ni nawh a, Israel naupasalhai lai pasal inzawr an um ding a ni bawk nawh.

1 TIMOTHE 1:10

indit hmanghai ta ding dâm, mawngkawhurhai ta ding dâm, mihriem inru hmanghai ta ding dâm, khêl hril hmanghai ta ding dâm, inkhâm tehlêm hmanghai ta ding dâm, inchûktirna indik ang ni loa thil dang hrim;

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

2 PETER 2:2

Chun, mi tamtakin an hurna tieng thilhai chu chîng vêng an ta, anni leiin lampui indik tak chu hrilsiet ning a tih.

2 PETER 2:7

Lota mi fel, mi suolhai umdân hurtak leia lungngai bêk bêk chu a sandam tah a;

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

RORELTUHAI 19:22

Chuong anga hlim le lâwmtaka an um lai chun, ngai ta, chu khuoa mi Belial naupasal ṭhenkhathai chun in chu an hung inhuol tah a, kawtkhâr chu an hung suk dawt dawt a, in neitupa, tarpa kuoma chun, “I ina hung tlungpa kha hung ṭhuoi suok rawh, lo pâwl kan tih,” an tih a.