INṬANNA 19:24 - Pathien Lekhabu Inthieng (BSI)

²⁴ Chun, LALPA chun Sodom le Gomorra chunga chun vâna LALPA kuoma inthawk kât le mei ân sûrtir a;

INṬANNA 19:24 ပူးပေါင်းရင်းမြစ်များ

INṬANNA 13:10

Chuongchun, Lota chu a dâk suok a, Zoar pan zâwng chun, Jordan phaizâwl po po chu LALPA huon ang, Aigupta ram ang khan ram tina tui um furna hmun a nih ti a hriet a, LALPAIN Sodom le Gomorra a suksiet hma kha a ni sih a.

INṬANNA 13:12

Abram chu Kanaana chun a um a, Lota chu phaizâwl khuohaia chun a um a, a puon in chu Sodom chenin a tâwl pei a.

INṬANNA 18:17

LALPA chun, “Ka thilthaw ding hi Abraham kuoma hin ka ip ding am a ni aw?

INṬANNA 19:23

Lotain Zoar a tlung chun hnuoi chunga chun nisa a hung suok tah a.

JOB LEKHABU (THE BOOK OF JOB) 1:16

Ama chun a la hril zing laiin mi dang khawm a hung veh a, “Vâna inthawkin Pathien mei a hung tla a, berâm ruol le siehlawhai chu a kâng a, a kâng hmang vawng tâwl el a; chuongchun, kei chau a hril ding chein ka hung suok a nih,” a ta.

JOB LEKHABU (THE BOOK OF JOB) 18:15

A puon ina chun ama mi ni ngai hlek lo chu chêng a ta, A chêngna hmuna chun meitâwklunghai thêdarin um a tih.

INPÂKNA HLABU 11:6

Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

FESUOKNA 9:23

Chun, Mosie chun a hmawl chu vân tieng ân let a; chuongchun, LALPA chun vâninrûm le riel chu a hung tir tah a, hnuoia chun mei dâm a zuk tlah a, LALPA chun Aigupta ram chunga chun riel ân sûrtir tah a.

ISAI 1:9

Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 13:19

Chun, Babulon ramhai ropuina, Kaldai mihai isuong thil mawitak chu, Pathienin Sodom le Gomorra a sukbohmang lai ang khan la um a tih.

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

JEREMIA 20:16

Chun, chu mi LALPAIN khaw- puihai insîrna nei loa a sukchimhai ang chu ni raw se; zîngtieng chun khêkri inhriettir la, sûn huna chun ṭitrâwl inhriettir bawk la;

JEREMIA 23:14

Jerusalema zâwlneihaia khawm thil râpthlâktak ka hmuh a; anni chun uiretna thil an thawh a, thukhêlah an feh a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 49:18

Sodom le Gomorra le chu kâwl vêla khawpuihai suksiet ang khan, chutaka chun tukhawm chêng naw ni hai, tukhawm inzinah va fe bawk naw ni hai, LALPA chun a tih.

JEREMIA 50:40

Pathien chun Gomorra le Sodom le a vêl khuohai chu a pei thlâk lai ang khan, LALPA chun a tih: chutaka chun mi chêng naw ni hai a, mihriem nau tukhawm chutaka chun inzin khawm vân zin naw ni hai.

ṬAP HLA 4:6

Ka mihai naunu rîtlona chu Sodom suolna nêkin a nasa lem sih a; Chu chu mitkhapkâr loa pei- hâwnin a um a, a chunga chun kut hrim innghat a ni nawh.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” LALPA chun a tih.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

LUKA 10:12

Ka ti cheu hi, chu nia chun chu khuohai tuor nêk chun Sodom khaw tuor ding chu a zie um lem a tih.

DÂN PAHNINA 28:24

In ram hluo chu pilvut le pilvut khuah LALPAIN inchangtir a ta; in bohmang hmakhat chun inchunga vâna inthawkin hung tlâng a tih.

DÂN PAHNINA 29:22

“Chun, ruolthar la hung um dinghai, in hnunga in nauhai la hung um dinghai le, ram dang mi hlataka inthawka hung dinghai chun, chu rama hri le LALPAIN natna ân vawi- tirhai;

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,

2 PETER 2:6

Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiem- naw ân changtir tah a.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

THUPUONGSUO 14:10

a lunginsenna noa iengkhawm pawl loa siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.