INṬANNA 19:2 - Pathien Lekhabu Inthieng (BSI)

² chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a tih a. Anni chun, “Ni lo e, khawlaiah riek lem kan tih,” an tih a.

INṬANNA 19:2 ပူးပေါင်းရင်းမြစ်များ

INṬANNA 18:4

tui tlâwmte bêk hung la hai sienla, in kehai sâwp unla, thing hnuoia hin châwl hri ta u;

INṬANNA 19:1

Vântirko pahni chu zântieng chun Sodom khuo an tlung a, Lota chu Sodom khaw kul kawtkhâra chun a lo ṭhung a: Lotain anni a lo hmu chun lâwm dingin a ngîr a, a hmaia hnuoi sikin chibai a bûk tah a;

INṬANNA 19:3

Nisienlakhawm, ama chun a thlêm a thlêm a; chuongchun, ama chu an zui a, a ina chun an lût a: chun, ama chun hme a siempêk a, chawl ṭhanglo bei a zeu a, an fâk tah a.

INṬANNA 24:31

Chun, Laban chun, “Nang LALPA malsâwmna dawngtu, hung lût rawh, iengdinga tuola i ngîr zing am? In le sanghâwngseihai ta ding hmun ka siemrêl tah a nih,” a ta.

INṬANNA 43:24

A in enkawltu chun anni chu Josef in sûngah a ṭhuoi lût a, tui a pêk a, an ke an sâwp tah a; an sabeng- tunghai chu bu a pêk bawk a.

2 SAMUEL 11:8

Chun, David chun Uria kuomah, “I in tieng fe la, i kehai zu sâwp rawh,” a ta. Chuongchun, Uria chu lal ina inthawk chun a suok a, chun, lal chun fâk dinghai leh a hnawtzui a.

JOB LEKHABU (THE BOOK OF JOB) 31:32

(Mikhuol chu kawtthlêra chun a riek nawh a; Amiruokchu, mikhuol ta ding chun ka kawtkhâr chu ka hawng lem hlak).

THUVARHAI 25:17

I tuolbâwm ina chun i ke chu lût inkhât vieu raw se, Chuong naw chun, nghawk a ti che a, theida rawi a ti che.

HLAHAI HLA 5:3

Ka zakawchung chu ka hlîp tah a, iengtin am hâk nâwk ka ta? Ka kehai chu ka sâwp tah a, iengtin am sukbal nâwk ka ta?

LUKA 7:44

Chun, nuhmei tieng chu a nghah a, Simon kuoma chun, “Hi nuhmei hi i hmu? I inah ka hung lût a, nangin ka ke sâwpna ding tui i mi pêk nawh a, ama ruok hin chu a mitthliin ka kepha a sukhuh a, a samin a hrûk a nih.

JOHAN 13:5

Chun, châwtawlah tui a sung a, inchûktirhai ke a sâwp a, inhrûkna puon a dierkei chun a hrûk pei a.

THILTHAWHAI 16:15

Chun, ama le a sûnghaiin baptisma an chang zo chun, “Lalpa ring tak zeta in mi ruot chun, ka inah hung tlung ro,” tiin a mi ngên a mi ngên a, a mi chel tah a.

HEBRAIHAI 13:2

Mikhuolhai chunga hmangai in- suo theinghil naw ro; chuong anga thawin mi ṭhenkhatin hre loin vân- tirkohai an lo intlungtir sih a.