INṬANNA 18:11 - Pathien Lekhabu Inthieng (BSI)

¹¹ Abraham le Sara chu upatak, tartak el an ni tah a; nuhmei dân pângngai chu Sara chun a nei ta nawh a.

INṬANNA 18:11 ပူးပေါင်းရင်းမြစ်များ

INṬANNA 17:17

Chuongchun, Abraham chu a bawkkhup a, ân nui a, a lungrilin, “Kum za mi hin nau a nei ding am a nih? Sara kum sawmkuo mi chun nau a nei ding am a nih?” a ta.

INṬANNA 17:24

Abraham chu a ser hmawr vun tisa an tan lai chun kum sawmkuo pakuo mi a nih.

INṬANNA 21:7

Ama bawk chun, “Sara hin nautehai a la pawm ding a nih ti tuin am Abraham kuomah hril ngaina hrieng an ta? a tar hnung hin naupasal ka neipêk ta hi,” a tih a.

INṬANNA 24:1

Chun, Abraham chu a hung upa a, a hung tar ta hleh a; chun, LALPAIN Abraham chu thil iengkimah mal a sâwm tah a.

INṬANNA 24:36

Ka pu nuhmei Sara chun a tar hnungin ka pu ta dingin naupasal a nei a; ama kuoma chun a nei po po a pêk vawng a.

INṬANNA 31:35

chun ama chun a pa kuomah, “I hmah a ka tho pei naw leiin, ka lalpa, lunginsen naw rawh; nuhmei umdân pângngai chu ka chunga a um lai tak a ni sih a,” a tih a. Chuongchun, a zawng a zawng a, milimhai chu a hmu zo ta nawh a.

LEVI DÂN 15:19

“Nuhmei khawma a nei pâng- ngaia thipût a nei chun ni sari sûng chu inthieng naw nîng a tih; chun, tukhawm ama tâwk taphawt chu zântieng chenin inthieng naw nîng a tih.

LUKA 1:18

Chun, Zakariain vântirko kuomah chun, “Chu chu iengtin am hrieng ka ta? kei putar ka na, ka nuhmei khawm pitar a ni sih a,” a ta.

LUKA 1:36

Chun, ngai ta, i zuorpuinu Elizabeth khawmin tar hnungin naupasal a vawn tah a; a ching an ti hlak kha, tuta thla hi a thla rukna a ni tah.

LUKA 1:7

Nisienlakhawm, Elizabeth chu a ching leiin nau an nei nawh a, an pahni chun upatak an ni sih a.

HEBRAIHAI 11:19

Pathienin mithi laia inthawkin a keitho thei ti hrein chutaka chun thi ta hnung keitho angin a hmu nâwk ta ngei bawk a.

JOSUA 13:1

Josua chu a hung upa a, a hung tar ta hle el a; chun, LALPA chun a kuomah, “I hung upain i hung tar ta hle el a, ram hlak chu lâk ding a la tam vieu sih a.