INṬANNA 17:17 - Pathien Lekhabu Inthieng (BSI)

¹⁷ Chuongchun, Abraham chu a bawkkhup a, ân nui a, a lungrilin, “Kum za mi hin nau a nei ding am a nih? Sara kum sawmkuo mi chun nau a nei ding am a nih?” a ta.

INṬANNA 17:17 ပူးပေါင်းရင်းမြစ်များ

INṬANNA 17:18

Chun, Abraham bawk chun Pathien kuomah, “Ismael hi i hmaah um thei sienla aw!” a tih a.

INṬANNA 17:3

Chun, Abram chu a bawkkhup tah a; chun, Pathienin ama chu a biek a,

INṬANNA 18:11

Abraham le Sara chu upatak, tartak el an ni tah a; nuhmei dân pângngai chu Sara chun a nei ta nawh a.

INṬANNA 18:12

Chuongchun, Sarain, “Tar ka ni ta hnung hin, lâwmna nei ka ti maw, ka lalpa hlak tar a ni ta sih a?” tiin a lungrilin ân nui a.

INṬANNA 21:5

Abraham chu a naupa Isak a nei lai chun kum za mi a nih.

INṬANNA 21:6

Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a tih a.

INṬANNA 21:7

Ama bawk chun, “Sara hin nautehai a la pawm ding a nih ti tuin am Abraham kuomah hril ngaina hrieng an ta? a tar hnung hin naupasal ka neipêk ta hi,” a tih a.

1 CHANCHIN SUINA 21:16

Chun, David chu a hung dâk suok a, LALPA vântirko hnuoi le vân kâra ngîr chu a hang hmu tah a; a kâwlhnâm phawi sain, Jerusalem tienga bân pharin a hmuh a. Chun, David le upahai chu saiip puon an sil a, an hmaia hnuoi sikin an bawk tâwl tah a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk tah a.

EZEKIEL 1:28

Ruo sûr nia sûma sumrisâng inlang angin, a vêla varna inlang dân chu a um a. Hi hi LALPA ro- puina angpui inlang dân chu a nih. Chun, chu chu ka hmu phing chun, bawkkhupin ka tlu a, chun, mi pakhat râwl thu hung hrilin ka hriet a.

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭih a, ka bawk- khup tah a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

LEVI DÂN 9:24

LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.

NAMBAR 14:5

Chuongchun, Mosie le Aron chu Israel thla mipui pungkhâwm po pohai hmaa chun an bawkkhup a.

NAMBAR 16:22

Chuongchun, anni chu an bawk- khup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an tih a.

NAMBAR 16:45

“Hieng mipuihaia inthawk hin insiekieng ro, ka hung sukbohmang thut theina dingin,” tiin. Chun, anni chu an bawkkhup a.

MATTHAI 2:11

In sûngah an va lût a, a nu Mari kuoma nautê chu an hmuh a, an bawkkhup a, chibai an bûk a. Chun, an ro bâwmhai an hawng a, a kuomah lâwmna — rângkachak dâm, beraw dâm, murra dâm an pêk a.

LUKA 1:18

Chun, Zakariain vântirko kuomah chun, “Chu chu iengtin am hrieng ka ta? kei putar ka na, ka nuhmei khawm pitar a ni sih a,” a ta.

JOHAN 8:56

In thlatu Abraham kha ka ni hmu ding a ni leiin a hlim bêk bêk hlak; chun, a hmu ngei a, a lâwm hleh a,” a ta, a dawn a.

DÂN PAHNINA 9:18

Chun, kha hmaa ka thaw ang khan ni sâwmli le zân sâwmli LALPA hmaah ka bawkkhup a; a lung suksen dinga LALPA mithmua in thil suksuol tah in suolna po po leiin bei khawm ka fâk nawh a, tui khawm ka dâwn bawk nawh.

DÂN PAHNINA 9:25

Chuongchun, LALPAIN ‘Sukbo- hmang ka tih’ a ti cheu lei khan LALPA hmaah ka bawkkhup a, ni sâwmli le zân sâwmli ka bawkkhup kha.

JOSUA 5:14

Ama chun, “Ni lo e, LALPA sipaihai hotu dinga hung ka ni lem,” a tih a. Chuongchun, Josua chu hnuoiah a bawkkhup a, chibai a bûk a, a kuom- ah, “Ka Lalpa chun a siehlaw kuoma hin ieng am hril ding a nei a?” a ta.

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

THUPUONGSUO 11:16

Chuongchun, Pathien hmaa an lalṭhungphaa upa sâwmhni le pali ṭhunghai chu an bawkkhup a, Pathien chibai an bûk a.

THUPUONGSUO 5:8

Chun, lekhabu chu a lâk phing- leh thilhring pali le upa sâwmhni le pali hai chu, ṭingṭang le rângkachak berbu riminhnika sip chawi sengin, Berâmte hmaa chun an bawkkhup tâwl tah a; chuong riminhnikhai chu mi inthienghai ṭawngṭaina a nih.

RORELTUHAI 13:20

Mâichâma inthawka meichawk chu vântieng ân tung lai chun LALPA vântirko chu mâichâma meichawka chun a tungin a fe tah a; Manoa le a nuhmei chun an thlîr zing a, hnuoia chun an bawkkhup dêr el tah a.