INṬANNA 17:14 - Pathien Lekhabu Inthieng (BSI)

¹⁴ Chun, pasal ser tan lo, a ser hmawr vun tisaa sertana um naw chu, chu ngei chu a chipui laia sukbohmang nîng a ta: ama chun ka thuthlung chu a bawsiet a nih,” a ti nâwk a.

INṬANNA 17:14 ပူးပေါင်းရင်းမြစ်များ

INṬANNA 17:15

Chun, Pathien bawkin Abra- ham kuomah, “I nuhmei Sarai chu a hmingah Sarai ti ta naw ti nih a, a hming chu Sara ti ni ta lem a tih.

INṬANNA 34:14

an kuomah, “Hi thil, sertanlo mi kuoma kan farnu pêk hi thaw thei naw ning ungah; chu chu kan ta dingin hmingsietna ding a ni sih a:

INPÂKNA HLABU 55:20

Ama le inremhai chunga chun a kut ân lêt a, A thuthlung chu a sukkhawhlo tah a.

FESUOKNA 12:15

Ni sari sûng chu chawl ṭhanglo bei in fâk ding a na, ni khat niha inthawk khawmin in inhaia in- thawkin chawl sie hmang vawng in ta; ni khat niha inthawka ni sari ni chen chun mi tukhawmin chawl ṭhang bei a fâk chun, chu mi chu Israel mihaia inthawka sâtthlâk a ni ding a ni sih a.

FESUOKNA 12:19

Ni sari sûng chu chawl hrim hrim in inhaiah hmu a ni ding a ni nawh: mi tukhawm chawl ṭhang bei fatu chu, mikhuol khawm, a rama pieng khawm, chu mi chu Israel mi- puihai laia inthawka sât thlâk nîng a tih.

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka sâtthlâk nîng a tih,’ tiin,” a tih a.

FESUOKNA 30:38

Mi tukhawm mâni hmang dinga chuong anga rim nei siemtu chu a mihai laia inthawka sât thlâk nîng a tih,” tiin.

ISAI 24:5

Hnuoi hi a umhai hnuoia chun a pawrche zo tah a; dânhai chu an bawsiet a, thuruot chu an sukdang- lam a, kumkhaw thuthlung chu an bawsiet leiin.

ISAI 33:8

Lamlienhai chu a ṭhing ṭhiep ṭhuop a, mi inzin inlawn chu an um ta nawh a, ama chun thuthlunghai chu a bawsiet a, khuohai chu a hmusit a, mihriem a ngaisak ta nawh.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni loin, an ta dingin pasal ka ni dea chu, chu ka thuthlung chu an bawsiet a, LALPA chun a tih.

EZEKIEL 44:7

lungrila sertan lo le tisa khawma sertan lo, hmêlmakhai ka hmun in- thienga um ding le, sukpawrche dinga ka in ngeia in hung lâklût leia in tirdakumna hi huntâwk ta raw se; Bei dâm, sathâu dâm, thisen dâm chu in inhlân lai chun, ka thuthlunghai chu in bawsiet a, in tirdakumnahai chu belsa ding chauin.

LEVI DÂN 18:29

Tukhawm hieng thil tirdakum- hai a ieng ieng khawm thawtu taphawt chu an chipuihai laia in- thawka tuithlârin um an tih.

LEVI DÂN 19:8

chun, a fatu taphawt chun LALPA thil inthieng chu a suk- pawrche leiin a rîtlona maw chu phur a ta, ama chu a chipuihai laia inthawkin tuithlârin um lem a tih.

LEVI DÂN 23:29

Tukhawm chu nia insukrinum lo chu a chipuihaia inthawkin tui- thlârin um a tih.

LEVI DÂN 7:25

Tukhawm LALPA kuoma mei hmanga thilinhlâna inhlân sa thâu fatu chu, a chipuihai laia inthawkin tuithlârin a um ding a nih.

LEVI DÂN 7:27

Tukhawm ni sienla, thisen fa hrim hrim chu, a chipuihai laia in- thawkin tuithlârin a um ding a nih,” tiin.

NAMBAR 9:13

Amiruokchu, thieng si, thang- hmangna khawm nei chuong loa Fekân ruoiṭhea ṭhang lo chu a chipuihai laia inthawk sât thlâk nîng a ta; a hunbia LALPA kuoma thilin- hlân chu ân hlân naw leiin ama chun a suol maw chu phur a tih.

1 KORINTH 11:27

Chuleiin, tukhawm tlâklo puma bei chu faa, Lalpa no chu dâwn taphawt chun, Lalpa taksa le thisen chungah suol-maw phur a tih.

1 KORINTH 11:29

A fatu le a dâwntu chun, Lalpa taksa chîktaka a ngaituo si naw chun, ama chunga rorêlna intlun dingin a fâkin a dâwn a ni sih a.