INṬANNA 17:1 - Pathien Lekhabu Inthieng (BSI)

¹ Chun, Abram chu kum sawm- kuo pakuo mi a niin LALPA chu Abram kuomah a hung inlâr a, a kuomah, “Kei Pathien Iengkim- thawthei ka nih, ka hmaah um la, ṭha famkimin um rawh.

INṬANNA 17:1 ပူးပေါင်းရင်းမြစ်များ

INṬANNA 12:1

Chun, LALPAIN Abram kuoma chun, “I khuoa inthawk le i laibunghai laia inthawk le i pa ina inthawk chu suok la, ram ka lân entir ding che tieng chun fe rawh:

INṬANNA 12:7

Chun, LALPA chu Abram kuomah ân lâr a, “Hi ram hi i thlahai kuomah la pêng ka tih,” a tih a; chuongchun, chutaka chun a kuoma inlâr LALPA ta ding chun mâichâm a siem a.

INṬANNA 16:16

Chun, Hagarin Abram ta dinga Ismael a nei pêk lai chun Abram chu kum sawmriet le kum ruk mi a nih.

INṬANNA 18:1

Abraham chu sûn nisa lum lai taka puon in kawtkhâr bula a ṭhung laiin, LALPA chu Mamre thingsaisuohai kâwla chun a kuomah a hung inlâr a.

INṬANNA 18:14

LALPA ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

INṬANNA 24:40

Nisienlakhawm, ama chun ka kuomah, ‘LALPA a hmaa ka um hlakna chun a vântirko chu i kuomah tir a ta, i fena dinga chun inhlâw- tlingtir a ti che; chuongchun, ka naupa ta dingin ka laibunghai le ka pa sûnghai laia mi nuhmeiah i neipêk ding a nih;

INṬANNA 26:2

Chun, LALPA chu a kuomah a hung inlâr a, “Aigupta rama chun zu fe naw rawh; ram ka hril ding chea chun um rawh.

INṬANNA 28:3

Pathien Iengkimthawthei chun mal sâwm chein, hnam tamtak um khâwm hung ni dingin chi tamtak inthlatir chein, sukpung raw se che.

INṬANNA 35:11

Pathien bawk chun a kuomah, “Kei Pathien Iengkimthawthei ka nih: chi tamtak inthlain hung pung rawh. Chi ti khawp le chi tum tum um khâwm khawm nanga inthawkin la hung um an tih; i ṭhalbea inthawkin lalhai khawm la hung suok bawk an tih.

INṬANNA 43:14

in sangpa pakhat le Benjamin hi ân suo pêkna ding cheuin, Pathien Iengkimthawthei chun ama chu inlunginsiettir raw se cheu. Ka nau- hai chu chân a ni leh ka chân ding ni el a tih,” a tih a.

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

INṬANNA 48:15

Chun, Josef chu mal a sâwm a, “A mi thlatu Abraham le Isak a hmaa an umna hlak Pathien, vawisûn chena ka dam sûng po poa mi châwmtu Pathien,

INṬANNA 48:3

Chun, Jakobin Josef kuomah, “Pathien Iengkimthawthei chu Ka- naan rama Luz-ah ka kuomah ân lâr a, mal a mi sâwm a, ka kuomah,

INṬANNA 5:22

Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;

INṬANNA 5:24

Chun, Enok chu Pathien leh an lêng hmunkhat hlak a: chun, a um ta nawh a: Pathienin a lâk hmang tah a nih.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

1 LALHAI 2:4

LALPAIN ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tiha a hril kha a sukdet ding a nih.

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i vopêk a, nangin a lal- ṭhungphaa ṭhung ding naupa i pêk a, vawisûna a hung um ta ang ngei hin.

1 LALHAI 8:25

Chuongchun, aw LALPA Israel- hai Pathien, i siehlaw ka pa David kuomah, ‘I thlahai chu ka mithmua i um anga ka mithmua um ve dinga an um dâna an fîmkhur phawt chun ka mithmuah Israelhai lalṭhungphaa ṭhung ding tlasam naw ti nih,’ tia i lo tiem ta kha hung hlen la.

2 LALHAI 20:3

“Aw LALPA, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 11:7

A zawnga zawng ngawtin Pathien thil inthûkhai chu i hmu suok thei ding am a nih? Iengkimthawthei chu a famkimin i hmu suok thei ding am a nih?

INPÂKNA HLABU 115:3

Kan Pathien chu vânah a um sih a, A nuom taphawt a thaw a nih.

INPÂKNA HLABU 116:9

Mi hring rama hin, LALPA hmaah lêng ka tih.

INPÂKNA HLABU 25:14

LALPA thurûk chu ama ṭituhai kuomah a um a, A thuthlung chu anni inhriettir a tih.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming LALPA ang hin an kuomah inhriettir ka ni ngai nawh.

THUVARHAI 10:9

Mi tluongtaka fe chu ngamtakin a feh a, A lampuihai pêtsantu ruok chu hriet nîng a tih.

ISAI 38:3

“Aw LALPA, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha, ka hni che hi hre zing rawh aw,” a ta. Chun, Hezekia chu a ṭap a ṭap tah a.

JEREMIA 32:17

‘Aw LALPA Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um nawh a;

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

MIKA 6:8

Aw mihriem, a ṭha chu ân entir ta che a nih; LALPAIN a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

NAMBAR 11:23

LALPA chun Mosie kuomah, “LALPA kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

NAMBAR 24:16

Pathien thuhai hreh a, Achunghnungtak hrietna hreh a, Iengkimthawthei inlârna hmuh a, Tlu bawkkhupa mit hung var ta chun:

MATTHAI 19:26

Chun, Isûn anni chu a en a, an kuomah, “Chu chu mihriem dingin thaw ruol a ni nawh a; Pathien ding ruok chun iengkim thaw thei a nih,” a ta.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

LUKA 1:6

An pahni chun Pathien mit- hmuah feltakin an um a, sawisêlboin Lalpa thupêk le a dân po po zâwmin an um hlak.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

EPHESI 3:20

Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

DÂN PAHNINA 10:17

LALPA in Pathien chu pathien- hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni sih a.

DÂN PAHNINA 18:13

LALPA in Pathien hmaa chun demkailo in ni ding a nih.

DÂN PAHNINA 30:20

LALPA in Pathien hmangaia, a râwl ngaia, ama cheltlatin, ama chu in hringna, in dam sâwtna a ni sih a; chuongchun, in pu Abraham hai, Isak hai, Jakob hai inkhâma pêk a tiem rama chun in um ding annawm,” tiin.

PHILIPPI 4:13

A mi sukhrâttu Krista zâra chun iengkim ka thaw thei a nih.

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.