INṬANNA 15:17 - Pathien Lekhabu Inthieng (BSI)

¹⁷ Chun, nisa a hung tlah a, khuo a hung inthim chun, ngai ta, rawtuina mei khu mup mup le chuong saherhai kâra chun meiser chawk vung vung inlawn inlawn a um a.

INṬANNA 15:17 ပူးပေါင်းရင်းမြစ်များ

INṬANNA 15:10

Chuongchun, chuong po po chu a hung lâk a, a laitakah a khawi seng a, a her pakhat chu a her khingtieng zâwna chun a sie seng a, vatehai ruok chu a khawi ve nawh a.

2 SAMUEL 22:9

A hnâra inthawk chun meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta dur dur a.

1 LALHAI 18:38

Chuongchun, LALPA mei chu a hung tlah a, pumrawhmang thilin- hlân dâm, thing dâm, pilvut dâm, lung dâm chu a kâng hmang a, cho khur a tui khawm chu a hîp kang ta vawng a.

1 CHANCHIN SUINA 21:26

Chun, Davidin chutaka chun mâichâm chu LALPA ta dingin a siem a, pumrawhmang thilinhlân le, in- remna thilinhlân chu ân hlân a, LALPA chu a ko tah a; chun, ama chun vâna inthawk chun pumraw- hmangna mâichâm chungah meiin a zuk dawn tah a.

FESUOKNA 19:18

LALPA chu meichawka a hung ṭum leiin, Sinai tlâng po po chu a khu ta vawng el a; chu khu chu rawtuina meikhu angin ân tung ta lui el a: tlâng chu nasatakin ân hnîng bawk a.

FESUOKNA 20:18

Mipui po po chun vâninrûmhai, ṭêktlahai, tawtawrâwt ri le, tlâng khu suok chu an hmu chun mipui chu an inthin a, hlatakah an ngîr a.

ISAI 62:1

A felna chu varna anga ân suoh a, ama sandamna chu khâwnvar chawk anga ân suo hma- khat chun, Zion leiin to zing naw ningah a, Jerusalem leiin um ṭawk ṭawk naw ningah.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

DÂN PAHNINA 4:20

LALPA chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

RORELTUHAI 13:20

Mâichâma inthawka meichawk chu vântieng ân tung lai chun LALPA vântirko chu mâichâma meichawka chun a tungin a fe tah a; Manoa le a nuhmei chun an thlîr zing a, hnuoia chun an bawkkhup dêr el tah a.

RORELTUHAI 6:21

Chuongchun, LALPA vântirko chun a hmawl chawi hmawr chun sa le chawl ṭhanglo bei chu a hei tâwk a; chun, lunga inthawk chu mei a hung suok a, sa le chawl ṭhanglo bei chu a kâng hmang vawng a; chun, LALPA vântirko chu a mithmua inthawk chu a fe hmang tah a.