INṬANNA 11:8 - Pathien Lekhabu Inthieng (BSI)

⁸ Chuongchun, LALPAIN anni chu chutaka inthawk chun hnuoi chung po poa chun a sukdar tah a; chuongchun, an khaw siem khawm chu an tâwpsan tah a.

INṬANNA 11:8 ပူးပေါင်းရင်းမြစ်များ

INṬANNA 10:25

Eber chun naupasal pahni a nei a: pakhat hming chu Peleg a na, a dam lai chun hnuoi hi ṭhein a um ta sih a, a sang hming chu Joktan a nih.

INṬANNA 10:32

Chuonghai chu Noa thlahai hnamhai an nih a, an thlahai ang peiin, an chihai lai chun: tui lêt hnungin chuonghaia inthawk chun a nih, hnuoia hin chi tin an indar ta chu.

INṬANNA 10:5

Chuonghaia inthawk chun a nih tuipui kama hnamhai chu anni ram ramah an indar ta chu: anni ṭawng ang pei le, anni hnam ang peiin, anni chihai laia seng chun.

INṬANNA 11:4

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um rawi ei tih,” an in tih a.

INṬANNA 11:9

Chuleichun, a hming chu Babel an tih a; LALPAIN chutaka chun hnuoia mi po po ṭawng chu a suktumpêk ta leiin: chutaka inthawk chun LALPAIN anni chu hnuoi chung po poa chun a sukdar ta bawk a.

INṬANNA 49:7

An lunginsenṭeuna chu ṭawngsephurin um raw se, a ṭium sih a. An lung puom hlena chu ṭawngsephurin um raw se,a nunrâwng sih a. Jakobrawihai lai chun anni chu thedar ka ta, Israelrawihai lai chun anni chu sukdar ka tih.

INPÂKNA HLABU 33:10

LALPAIN hnam tin remruot chu iengkhawm ni loah ân changtir a, Mi tin ngaituohai chu iengkhawm ṭhathnemna nei loin a siem hlak.

INPÂKNA HLABU 92:9

Aw LALPA, ngai ta, nangma dotuhai hi, Ngai ta, nangma dotuhai hi an bohmang ding a nih; Thil suksuoltuhai po po hi sukdarin an um vawng ding a nih.

LUKA 1:51

A bânin a tha hrâtzie ân entir a, An inngaituonaa chapohai chu a sukdar tah a.

DÂN PAHNINA 32:8

A Chunghnungtak chun hnamhai ram a pêk laia, Mihriem nauhai a ṭhe lai khan, Hnamhai ramri chu a khang a, Israel thlahai zât ang peiin.