INṬANNA 11:6 - Pathien Lekhabu Inthieng (BSI)

⁶ Chun, LALPA chun, “Ngai ta u, mihai hi pumkhat an nih a, an rêngin ṭawng hmunkhat an nei bawk sih a; hi thil an thaw phut a ni hi; tuhin chu an thilthaw tum hrim hrim hi khappêk ruol ni ta naw ni hai.

INṬANNA 11:6 ပူးပေါင်းရင်းမြစ်များ

INṬANNA 11:1

Chun, hnuoia mi po po chu ṭawng hmunkhat le thu hril dân hmunkhat an ni vawng a.

INṬANNA 3:22

Chun, LALPA Pathien chun, “Ngai ta u, mihriem chu a suol le a ṭha hrein eini laia pakhat ang a hung ni tah a; tuhin chu a kuta banin, hringna thing ra chu loa fain, kumkhuoin hring rawi a tih,” a ta,

INṬANNA 6:5

Chun, LALPA chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

INṬANNA 9:19

Chuonghai pathum chu Noa naupasalhai an na: chuonghaia inthawka suokhai chun hnuoi po po hi an dâp zo tah a nih.

1 LALHAI 18:27

Chun, sûnlai tak chun Elija chun anni chu tielin, “Khêk inring ta unla, pathien a ni sih a, ân ngaituo hri amanih, annawleh a in hlau a, sukṭhang ding amani khawm nîng a tih,” a ta.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir nawh a; hmun khat chungah a sûr hlak a, a sûr nawna hmun chu a ṭâwl hlak.

LUKA 1:51

A bânin a tha hrâtzie ân entir a, An inngaituonaa chapohai chu a sukdar tah a.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

RORELTUHAI 10:14

In ithlang pathienhai chu ko ta unla, anni chun in lunginzîng pha chun sansuok el raw hai se cheu chu,” a tih a.