INṬANNA 11:4 - Pathien Lekhabu Inthieng (BSI)

⁴ Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um rawi ei tih,” an in tih a.

INṬANNA 11:4 ပူးပေါင်းရင်းမြစ်များ

INṬANNA 6:4

Chuong lai chun Milienhai chu hnuoia hin an um a; chu hnunga khawm Pathien naupasalhai chun mihriem naunuhmeihai chu an pâwl a, anni leh nauhai an nei hlak lai khan, an um bawk a; chuonghai chu tienlaia mi hrât, mi hming inthanghai kha an nih.

2 SAMUEL 8:13

Chun, David chu Chi Ruoma, Suria mi sîng khat le sâng riet a thaw hung tieng chun a hming ân thang tah a.

INPÂKNA HLABU 107:26

Vân tieng an hung tuol tuol a, inthûktakah an ṭum nâwk tuol tuol hlak, Lunginzîngna leiin an hringna chu ân tuihmang hlak.

INPÂKNA HLABU 92:9

Aw LALPA, ngai ta, nangma dotuhai hi, Ngai ta, nangma dotuhai hi an bohmang ding a nih; Thil suksuoltuhai po po hi sukdarin an um vawng ding a nih.

THUVARHAI 10:7

Mi indik hriet zingna chu malsâwmin a um a, Mi khawhlo hming ruok chu thâm hmang a tih.

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni sih a, LALPA chun a tih.

DANIEL 4:11

Thing chu a hung inṭhang a, a hung lien a, ân sângzie chun vân a hung phâk a, ân hmu theina chun khawvêl po po tâwp chen a huop bawk a.

DANIEL 4:22

Aw lalpa, nang i nih: i hung inṭhangin i hung hrât a, i ropuina chu a hung lien a, vân a hung tawng a, i ram hlak chu hnuoi tâwp chen a ni bawk sih a.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

LUKA 1:51

A bânin a tha hrâtzie ân entir a, An inngaituonaa chapohai chu a sukdar tah a.

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in tih a.

DÂN PAHNINA 4:27

LALPA chun hnam tin lai chun sukdar a ti cheu a, LALPAIN ân fe hmangtirna cheu hnamhai lai chun tlâwmte chauin um in tih.

DÂN PAHNINA 9:1

“Aw Israel mihai, ngai ta u, in nêka ropui le thilthawthei lem hnam, khawpui vân tawnga kul nei le ropuitakhai chu va hluo dingin tuhin Jordan chu in kai ding a ni tah a,