INṬANNA 1:6 - Pathien Lekhabu Inthieng (BSI)

⁶ Chun, Pathienin, “Tui le tui kâra chun boruok lientak um sienla, chu chun tui le tuihai chu ṭhe raw se,” a ta.

INṬANNA 1:6 ပူးပေါင်းရင်းမြစ်များ

INṬANNA 1:14

Chun, Pathienin, “Sûn le zân ṭhêna dingin vân boruok lientaka chun varhai um sienla, chuonghai chu inchikna dâm, hunbi dâm, ni dâm, kum dâm hrietna ding ni raw se;

INṬANNA 1:20

Chun, Pathienin, “Tuihai chun thilsiem chângthei hringna neihai tamtak insuo ṭeu hai sienla, vatehai khawm chu hnuoi chunga vân boruok lientaka hin vuong raw hai se,” a ta.

JOB LEKHABU (THE BOOK OF JOB) 26:13

A thuok chun vânhai chu cheimawiin a um a; A kut chun rûlpui intawl lai chu a sunthleng tah a.

JOB LEKHABU (THE BOOK OF JOB) 37:11

Anih, sûm sâtak chu tuihuin a sukrik a, A kâwlinlep sûm chu a thedar tah a.

JOB LEKHABU (THE BOOK OF JOB) 37:18

Ama ang chun vân khi keiphar thei i ti, Dârthlalang sungta anga ngar khi?

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 148:4

Vânhai vânhai, ama chu inpâk unla, Vân chunga tui umhai, ama chu inpâk ve ro.

INPÂKNA HLABU 150:1

LALPA chu inpâk ro, Pathien chu a hmun inthienga chun inpâk unla, A thilthawtheina boruok lientaka khin ama chu inpâk ro.

INPÂKNA HLABU 19:1

Vânhai khin Pathien ropuizie chu ân hriettir a, Boruok lientak khin a kutsuok chu ân langtir hlak a.

INPÂKNA HLABU 19:2

Sûn hin sûn kuomah thu a hril sâwng pei a, Zânin zân kuomah hrietna ân lang sâwngtir pei hlak.

INPÂKNA HLABU 33:6

LALPA thuin vânhai chu siem a na, Chuonga umhai po po khawm chu a baua thuok chun siem an ni bawk a.

INPÂKNA HLABU 33:9

Ama chun a hril a, a hung um tah a, Thu a pêk a, a hung det ta sih a.

THUHRILTU 11:3

Sûmhai chu ruoa an sip hle chun hnuoi chungah an insukruok hlak a, Thing hi chu hmârtienga manih, simtienga manih a tlu chun, A tlûkna hmuna chun thing chu um a tih.

ISAI 40:22

Ama chu leihnuoi inkuolkhum- na chunga ṭhung chu a nih; a mit- hmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vân- hai khi a keiphar bawk a;

ZEKARIA 12:1

Israel chungthua LALPA thu phurrik chu, Vânhai chu kei- phar a, leihnuoi lungphûmhai chu phûm a, mihriem chu a sûnga a thlarau siempêktu LALPA chun hieng hin a tih:

2 PETER 3:5

Hieng hi an theinghil tehlêm hlak si; Pathien thuin tienlaiin vânhai a hung um a, hnuoi khawm tuia inthawka siemin tui laia hai chun a lo um a;