INṬANNA 1:3 - Pathien Lekhabu Inthieng (BSI)

³ Chun, Pathienin, “Var hung um raw se,” a ta; chuongchun, var a hung um tah a.

INṬANNA 1:3 ပူးပေါင်းရင်းမြစ်များ

INṬANNA 2:4

Hnuoi le vân siem an ni lai khan an thlahai chu hieng hi an nih, LALPA Pathienin hnuoi le vân a siem nia khan.

JOB LEKHABU (THE BOOK OF JOB) 36:30

Ngai ta, ama vêla chun a var chu a phar a; Tuisuoriet limawng chu ân khum tah a.

JOB LEKHABU (THE BOOK OF JOB) 38:19

Var umna hmun lampui chu khâwlai am a na? Inthimna hi teh, a umna hmun khâwlai am a na?

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 118:27

LALPA chu Pathien a nih, ama chun var a mi pêk a, Inthâwina ding chu hruihruolin thlung ro, mâichâm kihai ngeia chun.

INPÂKNA HLABU 148:5

Chuonghai chun LALPA hming chu inpâk raw se, Ama chun thu a pêk a, siemin an hung um ta sih a.

INPÂKNA HLABU 33:6

LALPA thuin vânhai chu siem a na, Chuonga umhai po po khawm chu a baua thuok chun siem an ni bawk a.

INPÂKNA HLABU 33:9

Ama chun a hril a, a hung um tah a, Thu a pêk a, a hung det ta sih a.

INPÂKNA HLABU 97:11

Mi fel ta ding chun var hi thêpêk a ni hlak, Lungril indiktak puttu ta ding chun lâwmna thêpêk a ni bawk hlak.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi LALPA, chuong thilhai po po thaw hlaktu chu ka nih,” tiin.

ISAI 60:19

Nisa khi sûna nangma êntu ni ta naw nih a; thla khawm khin varna dingin sukvar ta bawk naw ni che; LALPA ruok chu i ta dingin kum- khuoa vartuah um tâng a tih, I Pathien chu i ropuina dingin um bawk a tih.

MATTHAI 8:3

Isûn a hang ban a, a them a, “Ka nuom ie, lo inthieng ta rawh,” a ta, kâr loin a phâr chu a lo inthieng nghâl tah a.

JOHAN 1:5

Var chu inthim lai a hung var a, inthimin chu chu a hriet nawh.

JOHAN 1:9

Var indik tak mi tin sukvar hlak kha a um a, khawvêlah a hung zing a nih.

JOHAN 11:43

Chun, chuonga a ṭawng zo phingleh râwl inringtakin, “Lazar, hung suok rawh,” a ta, a khêk a.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

EPHESI 5:14

suklanga um taphawt chu var a ni sih a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

1 TIMOTHE 6:16

Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

1 JOHAN 1:5

Chun, thuincha a kuoma in- thawka kan hriet a, in kuoma kan hril sâwng ding cheu chu hi hi a nih:— Pathien chu var a nih, amaa chun inthim hrim a um nawh.

1 JOHAN 2:8

Nisienlakhawm, thupêk thar ziek ni bawk naw ning am, (chu chu amaah le nangniah ân lang a nih), inthim chu a bo zing lei le, var taktak chu tuhin a hung var ta leiin.